Author: AMCM

Сёння, калі дзелавыя і асабістыя зносіны ўсё часцей адбываюцца праз электронную пошту, уменне граматна пісаць лісты на англійскай становіцца важным навыкам. Добра складзены email можа выгадна вылучыць вас сярод іншых, а кожная дэталь – ад тэмы ліста да заключнай фразы – мае значэнне.

У гэтым артыкуле мы разбяром асноўныя элементы эфектыўнага ліста і нюансы, на якія варта звярнуць увагу.

Тэма ліста (Subject line)

Тэма – гэта першае, што бачыць адрасат. Часта менавіта ад яе залежыць, адкрыюць ліст ці пакінуць без увагі.

Добрая тэма павінна быць:

• кароткай (5-8 слоў);
• яснай і канкрэтнай;
• без лішніх словаў.

Прыклады:

• Project Meeting – June 20
• Application for Marketing Manager
• Invoice for March Services

Вітанне (Greeting)

Вітанне задае тон усяму лісту.

Фармальнае вітанне выкарыстоўваецца ў дзелавой перапісцы, пры звароце да незнаёмых людзей або ў афіцыйных запытах:

• Dear Mr. Smith,
• Dear Dr. Johnson,
• To Whom It May Concern,

Нефармальнае вітанне падыходзіць для сяброў, блізкіх калегаў ці ў менш афіцыйных сітуацыях:

• Hi John,
• Hello Sarah,
• Hey Mike,

Парада: выбірайце вітанне і агульны тон у залежнасці ад адносінаў з адрасатам і мэты ліста.

Асноўны тэкст ліста (Body)

Асноўная частка павінна быць структураванай і лёгкай для ўспрымання.

Рэкамендуецца прытрымлівацца трох этапаў:

1. Кароткі ўступ – прадстаўцеся або нагадайце, хто вы.
2. Асноўная частка – патлумачце, для чаго пішаце, і дадайце дэталі.
3. Заключэнне – пазначце, чаго чакаеце ад атрымальніка (адказ, пацвярджэнне, дзеянне).

Прыклад:
I’m writing to confirm our meeting scheduled for June 20 at 10 AM.
Please find attached the updated agenda.

Заключная фраза (Closing)

Заключэнне завяршае ліст і фарміруе агульнае ўражанне.

Фармальныя варыянты:

• Sincerely,
• Best regards,
• Yours faithfully,

Нефармальныя варыянты:

• Best,
• Cheers,
• Take care,

Подпіс (Signature)

У дзелавой перапісцы подпіс з’яўляецца абавязковым. Звычайна ён ўключае:

• імя і прозвішча;
• пасаду;
• кантактныя дадзеныя (тэлефон, email, сайт).

Як падабраць тон ліста

• Калегам – ветліва, але не занадта афіцыйна.
• Выкладчыку – з максімальнай павагай, без скарачэнняў.
• HR або працадаўцу – фармальна, з акцэнтам на прафесіяналізм.
• Сябрам – свабодна, цёпла, дапушчальны гумар.

Чаму гэта важна

Граматна напісаны ліст:

• эканоміць час атрымальніка;
• стварае станоўчае ўражанне;
• павялічвае шанцы на адказ і поспех у перамовах.

У Еўропе і ЗША ўменне пісаць правільныя лісты лічыцца важным паказчыкам прафесіяналізму. Гэты навык дапамагае не толькі ў кар’еры, але і ў паўсядзённых зносінах.

Міні-чэк-ліст перад адпраўкай

• Ці ёсць выразная і зразумелая тэма?
• Ці адпавядае тон сітуацыі?
• Ці няма граматычных памылак?
• Ці пазначаны і прыкладзеныя файлы?
• Ці ёсць подпіс з кантактамі?

TOEFL – адзін з самых папулярных экзаменаў для паступлення ў замежныя ўніверсітэты. Ён правярае валоданне англійскай мовай па чатырох ключавых навыках: чытанне, аўдыраванне, маўленне і пісьмо.

Шмат хто лічыць, што для паспяховай падрыхтоўкі абавязкова трэба наведваць дарагія курсы. На самой справе, пры правільнай стратэгіі і выкарыстанні якасных матэрыялаў можна выдатна падрыхтавацца самастойна.

У чым сакрэт паспяховай самападрыхтоўкі? Каб падрыхтоўка да TOEFL была эфектыўнай, важна:

• зразумець фармат экзамену і патрабаванні кожнай секцыі;
• адпрацоўваць навыкі на рэальных экзаменацыйных матэрыялах;
• трэніраваць тайм-менеджмент і стратэгію выканання заданняў.

Для гэтага мы сабралі падборку правераных афіцыйных і аўтарскіх рэсурсаў, якія дапамогуць сістэмна рыхтавацца і адчуваць сябе ўпэўнена на экзамене.

Афіцыйныя рэсурсы

Official TOEFL iBT Resources – пробныя тэсты і ўзоры заданняў, падрабязныя інструкцыі па кожнай секцыі экзамену.

Listening Section Insights – разбор структуры секцыі Listening, аўдыяматэрыялы і прыкладныя пытанні.

Парада: заўсёды пачынайце падрыхтоўку менавіта з афіцыйных матэрыялаў ETS — гэта дапаможа прызвычаіцца да рэальнага фармату заданняў.

Метадычныя дапаможнікі і планы заняткаў

Off2Class – паэтапныя ўрокі і стратэгіі для кожнай секцыі TOEFL, падыходзіць як для выкладчыкаў, так і для самастойнай працы.

Teachers Pay Teachers – маркетплейс з аўтарскімі планамі заняткаў, практыкаваннямі і рабочымі сшыткамі, дзе можна падабраць матэрыялы па канкрэтных тэмах і навыках TOEFL.

Парада: карыстайцеся гэтымі рэсурсамі для структуравання заняткаў і распрацоўкі ўласнага вучэбнага плана.

Практыка і тэсты

Magoosh – бясплатныя тэставыя заданні, спісы слоў і гатовыя планы падрыхтоўкі на тыдзень або месяц.

TOEFL Resources – падрабязныя гайды і трэнажоры для Speaking, парады па паляпшэнні вымаўлення і логікі адказу.

Парада: чаргуйце практыку і тэорыю – гэта дапамагае хутчэй замацаваць вынік.

Практыка Listening

Better TOEFL Scores – стратэгіі для паляпшэння разумення англійскай мовы на слых і практычныя практыкаванні для штодзённай трэніроўкі.

Парада: дадаткова слухайце падкасты, навіны і лекцыі на англійскай, каб прызвычаіцца да розных акцэнтаў.

Як працаваць з рэсурсамі

Каб падрыхтоўка была максімальна прадуктыўнай, прытрымлівайцеся наступнай стратэгіі:

1. Пачынайце з афіцыйных матэрыялаў ETS.
2. Дапаўняйце заняткі метадычнымі дапаможнікамі і аўтарскімі матэрыяламі.
3. Чаргуйце паўнавартасныя тэсты з вузканакіраванымі трэніроўкамі (асабліва па Speaking і Listening).
4. Раз на тыдзень рабіце «рэпетыцыю экзамену» з таймерам.

Парада: вядзіце нататкі, фіксуйце памылкі і абавязкова пераглядайце складаныя заданні – так вы хутчэй ліквідуеце прабелы.

Самастойная падрыхтоўка да TOEFL – гэта рэальна і эфектыўна, калі правільна арганізаваць працэс. Карыстайцеся праверанымі рэсурсамі, плануйце заняткі і рэгулярна трэніруйцеся ва ўмовах, максімальна блізкіх да экзаменацыйных. Так вы зможаце не толькі падрыхтавацца да TOEFL, але і істотна палепшыць агульны ўзровень англійскай мовы.

Алоха – гэта не проста «прывітанне» па-гавайску. Гэта слова нясе глыбокі сэнс, як і самі Гаваі, якія ўяўляюць сабой значна больш, чым пляжы і серфінг. Тут пераплятаюцца старажытныя традыцыі і сучаснасць.

29 жніўня а 18:30 запрашаем на сустрэчу з Вольгай Лайковай, удзельніцай праграмы Professional Fellows Program па напрамку Innovation & Entrepreneurship і праектным менеджарам у міжнароднай кансалтынгавай кампаніі Civitta. Вольга правяла месяц у ЗША, частку якога – на Гаваях, і гэты досвед стаў для яе адначасова самым складаным і самым незабыўным у жыцці.

На вэбінары Вольга распавядзе:

• як ладзіцца жыццё і праца на Гаваях па-за межамі турыстычных зон;
• з якімі адкрыццямі, цяжкасцямі і пераасэнсаваннямі сутыкаецца ўдзельнік міжнароднай стажыроўкі;
• як культура, менталітэт і мова ўплываюць на ўспрыманне сябе і сваёй прафесіі;
• што дае ўдзел у падобных праграмах і чаму вам варта паспрабаваць.

Таксама на сустрэчы выступіць прадстаўнік American Councils, які распавядзе пра актуальныя прафесійныя праграмы ў ЗША.

Каму будзе цікава:
Тым, хто разглядае магчымасць удзелу ў міжнародных праграмах, будуе кар’еру ў міжкультурным асяроддзі або хоча ўбачыць Гаваі без турыстычных фільтраў.

Дата і час: 29 жніўня, 18:30 (па мінскім часе)
Рэгістрацыя

Вывучыць граматыку і папаўняць слоўнікавы запас – гэта толькі палова шляху да вольных зносін на англійскай. Каб сапраўды разумець фільмы, серыялы, пасты ў сацсетках і жывую мову амерыканцаў, трэба ведаць слэнг – размоўныя выразы, якія рэдка сустракаюцца ў падручніках, але гучаць паўсюль у нефармальных зносінах.

Мы сабралі 15 папулярных амерыканскіх слэнгавых слоў і выразаў, якія дапамогуць вам гаварыць больш натуральна і лепш разумець носьбітаў мовы. Захоўвайце – спатрэбіцца!

1. Ace (дзеяслоў)

Значэнне: бліскуча справіцца з чымсьці (экзамен, сумоўе, заданне)
Прыклад: “I totally aced the interview!”
(Я выдатна прайшоў сумоўе!)

2. Buck (назоўнік)

Значэнне: нефармальнае слова для даляра
Прыклад: “It costs five bucks.”
(Гэта каштуе пяць баксаў.)

3. Couch Potato (назоўнік)

Значэнне: чалавек, які пастаянна ляжыць на канапе і глядзіць тэлевізар
Прыклад: “Stop being a couch potato and go for a walk!”
(Хопіць лёжаць на канапе, выйдзі прагуляцца!)

4. Flake (назоўнік / дзеяслоў)

Значэнне: ненадзейны чалавек, які часта зрывае планы; або дзеянне – «адмяніць» у апошні момант
Прыклад: “She flaked on me again!”
(Яна зноў мяне падвяла!)

5. Give the Cold Shoulder (ідыёма)

Значэнне: наўмысна ігнараваць каго-небудзь, звычайна з-за крыўды або канфлікту
Прыклад: “Ever since our fight, he’s been giving me the cold shoulder.”
(Пасля сваркі ён мяне цалкам ігнаруе.)

6. Jacked (прыметнік)

Значэнне: вельмі мускулісты, з вялікімі цягліцамі
Прыклад: “He got seriously jacked at the gym.”
(Ён сур’ёзна падкачаўся ў трэнажорнай зале.)

7. Jonesing (дзеяслоў)

Значэнне: моцна чакаць чаго-небудзь, літаральна – «ломка» па чымсьці
Прыклад: “I’m jonesing for some ice cream right now.”
(Мне страшэнна хочацца марозіва наўпрост цяпер.)

8. Dead (прыметнік, пра месца)

Значэнне: пуста, сумна, адсутнасць актыўнасці
Прыклад: “This club is dead – let’s go somewhere else.”
(У гэтым клубе сумна, пойдзем кудысьці яшчэ.)

9. Take a Rain Check (ідыёма)

Значэнне: ветліва адмовіцца ад запрашэння з прапановай перанесці на іншы раз
Прыклад: “Can I take a rain check? I’m really tired tonight.”
(Ці магу я перанесці? Я сёння вельмі стомлены(ая).)

10. Zonked (прыметнік)

Значэнне: вельмі стомлены(ая), знясілены(ая)
Прыклад: “After that long flight, I was totally zonked.”
(Пасля гэтага доўгага рэйса я быў зусім знясілены.)

11. Cut It Out (ідыёма)

Значэнне: спыні, хопіць (часам ужываецца, калі нехта раздражняе)
Прыклад: “Cut it out, you’re being annoying!”
(Спыніся, ты раздражняеш!)

12. Piece of Cake (ідыёма)

Значэнне: нешта вельмі лёгкае
Прыклад: “The test was a piece of cake.”
(Тэст быў вельмі просты.)

13. Screw Up (дзеяслоў)

Значэнне: нарабіць памылак, сапсаваць сітуацыю
Прыклад: “I really screwed up that meeting.”
(Я сур’ёзна сапасаваў тую сустрэчу.)

14. Lighten Up (фразавы дзеяслоў)

Значэнне: расслабіцца, не ўспрымаць усё занадта сур’ёзна
Прыклад: “Come on, lighten up! It’s not a big deal.”
(Давай, расслабся! Гэта не такая вялікая праблема.)

15. In the Loop (ідыёма)

Значэнне: быць у курсе падзей
Прыклад: “Please keep me in the loop on this project.”
(Калі ласка, трымай мяне ў курсе па гэтым праекце.)

Хочаш гаварыць як носьбіт? Пачні з малога

Дадаючы такія выразы ў сваю размову, ты пачнеш гучаць больш натуральна і свабодна. Гэта дапаможа табе не толькі лепш разумець амерыканцаў, але і адчуваць сябе ўпэўнена ў зносінах.

Практикуйся і далей – і англійская стане для цябе не проста мовай, а сапраўдным інструментам камунікацыі.

З ліпеня па верасень 2025 года стартуе серыя бясплатных анлайн-курсаў (MOOC), накіраваных на развіццё прафесійных кампетэнцый і навыкаў англійскай мовы. Да ўдзелу запрашаюцца выкладчыкі, студэнты, спецыялісты розных сфер і ўсе, хто зацікаўлены ў развіцці кар’еры і павышэнні кваліфікацыі.

Курсы даступныя ў зручным анлайн-фармаце, разлічаныя на гнуткі графік навучання і падыходзяць слухачам з розным узроўнем валодання англійскай мовай.

Professional Development for Teacher Trainers (курс з выкладчыкам)

Курс для выкладчыкаў, якія хочуць навучыцца распрацоўваць і праводзіць эфектыўныя трэнінгі для калег. Удзельнікі авалодаюць метадамі планавання, правядзення і ацэнкі навучальных мерапрыемстваў, а таксама атрымаюць практычныя інструменты для працы ў адукацыйным асяроддзі.
Фармат: з выкладчыкам
Рэгістрацыя: з 23 чэрвеня па 25 жніўня 2025
Даты правядзення: з 28 ліпеня па 1 верасня 2025
Рэгістрацыя

English as a Medium of Instruction (самастойны курс)

Курс для тых, хто выкладае або плануе выкладаць прадметы на англійскай мове. Удзельнікі пазнаёмяцца з тэорыяй і практыкай EMI (англійская як мова выкладання), навучацца адаптаваць навучальныя праграмы і распрацоўваць матэрыялы, якія дапамагаюць лепш засвойваць прадмет.
Фармат: самастойнае навучанне
Рэгістрацыя: з 14 ліпеня па 29 верасня 2025
Даты правядзення: з 14 ліпеня па 6 кастрычніка 2025
Рэгістрацыя

English for Career Development (самастойны курс)

Практычны курс для развіцця моўных і прафесійных навыкаў. У рамках навучання ўдзельнікі навучацца складаць эфектыўныя рэзюмэ і суправаджальныя лісты, рыхтавацца да суразмоўяў і ўпэўнена арыентавацца ў міжнародным прафесійным асяроддзі.
Фармат: самастойнае навучанне
Аб’ём: 5 модуляў па 3–5 гадзін кожны
Рэгістрацыя: з 7 ліпеня па 22 верасня 2025
Даты правядзення: з 7 ліпеня па 29 верасня 2025
Рэгістрацыя

English for Business and Entrepreneurship (самастойны курс)

Курс для тых, хто хоча развіць дзелавую англійскую мову і атрымаць базавыя веды ў галіне бізнесу і прадпрымальніцтва. Удзельнікі вывучаць прафесійную лексіку, авалодаюць навыкамі дзелавых зносін і разбяруцца ў асновах вядзення ўласнага бізнесу.
Фармат: самастойнае навучанне
Аб’ём: 5 модуляў па 3–5 гадзін
Рэгістрацыя: з 7 ліпеня па 22 верасня 2025
Даты правядзення: з 7 ліпеня па 29 верасня 2025
Рэгістрацыя

English for Tourism Professionals (самастойны курс)

Курс распрацаваны для спецыялістаў і студэнтаў сферы турызму. Праграма ўключае развіццё прафесійнай лексікі, а таксама навыкаў вуснай і пісьмовай камунікацыі на англійскай мове ў працоўных сітуацыях.
Фармат: самастойнае навучанне
Аб’ём: 5 модуляў па 3–5 гадзін
Рэгістрацыя: з 14 ліпеня па 29 верасня 2025
Даты правядзення: з 14 ліпеня па 6 кастрычніка 2025
Рэгістрацыя

Перавагі ўдзелу
– Бясплатны доступ да матэрыялаў
– Магчымасць вучыцца ў зручны час
– Сертыфікат пасля паспяховага завяршэння
– Актуальныя і практычныя тэмы
– Курсы падыходзяць для розных узроўняў валодання англійскай

Калі вы імкнецеся да прафесійнага росту і хочаце палепшыць узровень англійскай мовы, гэтыя курсы – выдатная магчымасць зрабіць першы крок.

Марыце вучыцца, развівацца ці будаваць міжнародную кар’еру? Злучаныя Штаты Амерыкі прапануюць шырокі выбар адукацыйных і прафесійных праграм для школьнікаў, студэнтаў, спецыялістаў і прадпрымальнікаў з Беларусі.

Запрашаем на анлайн-прэзентацыю, дзе эксперт па амерыканскай адукацыі Віктар Хоцім раскажа, як трапіць у ЗША па цалкам фінансаваных праграмах.

Падчас сустрэчы вы даведаецеся:

• Пра актуальныя праграмы абмену, грантаў і стажыровак
• Як паступіць у амерыканскія ўніверсітэты: бакалаўрыят, магістратура, аспірантура
• Якія рэсурсы і кансультацыі прапануе EducationUSA для падрыхтоўкі да паступлення
• Рэальныя гісторыі беларусаў, якія ўжо вучацца і працуюць у ЗША
• Атрымаеце адказы на свае пытанні

Звярніце ўвагу: Шматлікія праграмы пакрываюць усе выдаткі – навучанне, пералёт, пражыванне і медыцынскую страхоўку.

Хто можа ўдзельнічаць:

• Старшакласнікі і іх бацькі
• Студэнты і выпускнікі
• Маладыя спецыялісты і вопытныя прафесіяналы
• Прадстаўнікі недзяржаўных арганізацый, прадпрымальнікі, актывісты
• Усе, хто цікавіцца адукацыяй або прафесійным досведам у ЗША

Дата: 30 ліпеня
Час: 17:00 (па мінскім часе)
Фармат: анлайн, платформа Zoom

Рэгістрацыя

Далучайцеся да сустрэчы і даведайцеся, як пачаць шлях да навучання або стажыроўкі ў ЗША. Распавядзіце сябрам, для каго гэта можа быць карысна!

Працягваем Alumni Series – цыкл сустрэч з выпускнікамі амерыканскіх адукацыйных праграм, якія дзеляцца сваім досведам, падыходамі і практычнымі інструментамі.

На гэты раз нашым спікерам стане Генадзь Мацкевіч, удзельнік праграмы UGRAD 2024, які вучыўся ў West Liberty University (ЗША) па спецыяльнасці «Бізнес-адміністраванне». Сёння ён працуе ў сферы нерухомасці ў Еўропе і ААЭ, а таксама працягвае навучанне ў Аўстрыі.

Дата: 24 ліпеня
Час: 18:30 (па мінскім часе)
Фармат: анлайн-сустрача на платформе Zoom

Падчас вэбінара Генадзь падзеліцца асабістай гісторыяй адаптацыі ў амерыканскім універсітэце:

• як гэта – быць замежным студэнтам у ЗША;
• з якімі цяжкасцямі сутыкаюцца пачаткоўцы – ад моўных бар’ераў да побытавых звычак;
• што такое культурны шок і як яго пераадолець;
• якія стратэгіі дапамагаюць справіцца са стрэсам, знайсці сяброў і адчуваць сябе ўпэўнена ў новай асяроддзі;
• што здзіўляе, натхняе і змяняе мысленне падчас навучання ў ЗША.

Каму будзе карысна:
Студэнтам, выкладчыкам, будучым удзельнікам міжнародных праграм, а таксама ўсім, хто цікавіцца адукацыйнай сістэмай ЗША і хоча лепш падрыхтавацца да вучобы за мяжой.

Рэальныя гісторыі, шчыры погляд і практычныя парады – усё, што дапаможа лепш адаптавацца ў новай адукацыйнай прасторы.

Рэгістрацыя

Далучайцеся да вэбінара!

Дата: 23 ліпеня (аўторак)
Час: 18:30 (па мінскім часе)
Фармат: анлайн (Zoom)
Мова сустрэчы: англійская

Запрашаем на летні выпуск размоўнага клуба з Тайлер Мерген. Сустрэча будзе прысвечана кнігам, якія асабліва прыемна чытаць летам – у адпачынку, у парку ці на верандзе.

Тайлер падзеліцца сваімі ўлюбёнымі кнігамі, а таксама распавядзе пра творы, якія карыстаюцца папулярнасцю сярод амерыканскіх чытачоў у летні перыяд. Сярод іх – рамантычныя гісторыі, захапляльныя дэтэктывы і класіка, у тым ліку «Анёл для сястры» Джодзі Піколт, «Жонка падарожніка ў часе» Одры Ніфэнэгер і «Забіць перасмешніка» Харпер Лі.

Мы таксама будзем рады пачуць і вашы рэкамендацыі – раскажыце, што чытаеце гэтым летам і якія кнігі вас уразілі.

Спікерка: Тайлер Мерген – студэнтка амерыканскага ўніверсітэта і стажорка Дзяржаўнага дэпартамента ЗША ў Belarus Affairs Unit (BAU).

Гэта выдатная магчымасць папрактыкавацца ў англійскай мове ў сяброўскай і нязмушанай атмасферы, а таксама знайсці ідэі для новага чытання.

Рэгістрацыя

Топ-5 анлайн-рэсурсаў для паляпшэння вымаўлення англійскай мовы

Вымаўленне адыгрывае ключавую ролю ў авалоданні англійскай мовай. Ад таго, наколькі дакладна мы вымаўляем гукі, залежыць не толькі разуменне з боку суразмоўцы, але і наша ўпэўненасць падчас размовы. На шчасце, сёння існуе мноства анлайн-інструментаў, якія дапамагаюць развіваць маўленне, успрыманне мовы на слых і працаваць з акцэнтамі.

Мы падрыхтавалі падборку з 5 правераных і эфектыўных рэсурсаў, якія падыходзяць як для самастойнага навучання, так і для выкладчыкаў, што хочуць зрабіць заняткі больш жывымі і практычнымі.

---

1. YouGlish

🌐 youglish.com 

Што гэта:

Інструмент для пошуку рэальных прыкладаў вымаўлення слоў і выразаў у кантэксце. YouGlish выкарыстоўвае відэа з YouTube, TED і іншых платформаў, каб паказаць, як мова гучыць у натуральным асяроддзі.

Як працуе:

Вы ўводзіце патрэбнае слова або выраз — і атрымліваеце дзясяткі відэа з вымаўленнем ад носьбітаў мовы.

Перавагі:

• Падтрымка амерыканскага, брытанскага і аўстралійскага акцэнтаў 🇺🇸 🇬🇧 🇦🇺
• Магчымасць запаволенага прайгравання і паўтораў
• Выдатна падыходзіць для вывучэння рытму, інтанацыі і жывога вымаўлення

2. Forvo

🌐 forvo.com 

Што гэта:

Найбуйнейшая ў свеце база вымаўленняў, запісаных носьбітамі мовы. Тут можна знайсці агучванне слоў, імёнаў, геаграфічных назваў і іншага — з рознымі акцэнтамі і дыялектамі.

Як працуе:

Вы ўводзіце слова — і слухаеце, як яго вымаўляюць носьбіты з розных краін і рэгіёнаў.

Перавагі:

• Шырокі выбар дыялектаў і рэдкіх слоў
• Магчымасць дадаваць уласнае вымаўленне
• Карысна для вывучэння рэгіянальных асаблівасцей

3. Elllo.org

🌐 elllo.org 

Што гэта:

Бясплатная платформа з сотнямі аўдыё- і відэаурокаў, запісаных носьбітамі англійскай з усяго свету.

Як працуе:

Вы слухаеце кароткія дыялогі, чытаеце транскрыпцыі і выконваеце заданні на разуменне і паўтарэнне.

Перавагі:

• Розныя акцэнты і шырокі тэматычны спектр
• Засяроджанасць на слуханні і вымаўленні
• Поўны бясплатны доступ
  

4. BBC Learning English: Pronunciation

🌐 bbc.co.uk/learningenglish 

Што гэта:

Раздзел на сайце BBC, прысвечаны вывучэнню гукаў брытанскай англійскай мовы. Асабліва карысны для тых, хто хоча авалодаць стандартным брытанскім вымаўленнем.

Як працуе:

Да кожнага гука ёсць відэа, транскрыпцыя і практычныя заданні. Асноўная ўвага надаецца артыкуляцыі і інтанацыі.

Перавагі:

• Якасны навучальны кантэнт
• Візуальнае тлумачэнне артыкуляцыі
• Практыка рэдукцыі і інтанацыі
  

5. Speechling

🌐 speechling.com 

Што гэта:

Платформа для індывідуальнай трэніроўкі вымаўлення з магчымасцю атрымаць асабістую зваротную сувязь ад носьбітаў і выкладчыкаў.

Як працуе:

Вы слухаеце прыклады, запісваеце ўласнае вымаўленне і атрымліваеце каментары ад прафесійных выкладчыкаў.

Перавагі:

• Асабістая зваротная сувязь
• Практыка як асобных слоў, так і цэлых выразаў
• Падтрымка розных варыянтаў англійскай: амерыканская, брытанская і іншыя
  

Гэтыя рэсурсы дапамогуць зрабіць вашу англійскую мову больш упэўненай, натуральнай і зразумелай. Яны аднолькава карысныя як для самастойнага навучання, так і ў якасці дапаможных матэрыялаў для выкладання.

Захоўвайце падборку, дзяліцеся з калегамі і вучнямі — і працягвайце свой шлях да дасканалага вымаўлення штодня!

Анлайн-сустрэча з Віктарам Марціновічам
10 ліпеня, 18:30 (па беларускім часе)
Мова сустрэчы – беларуская

Як выглядае мастацтва Беларусі праз прызму амерыканскага музейнага кантэксту? Ці магчыма адшукаць родныя матывы сярод экспазіцый МЕТ, MoMA ці Гугенхайма? І што робіць мастацтвазнаўца, апынуўшыся ў сэрцы аднаго з самых насычаных культурных гарадоў свету?

Віктар Марціновіч — пісьменнік, мастацтвазнаўца, Fulbright visiting scholar у Hunter College — запрашае на прэзентацыю-вандроўку па нью-ёркскіх музеях у пошуках нечаканых кантактаў з беларускім мастацтвам. Гэта не проста лекцыя, а асабістая гісторыя чалавека, які жыве не ў Манхэтэне ці Брукліне, а ў музеі — у сэнсе сваёй штодзённай прысутнасці ў ім і глыбокага асабістага захаплення мастацтвам.

Падчас размовы вы даведаецеся:

• чым еўрапейскія мастацкія музеі прынцыпова адрозніваюцца ад амерыканскіх;
• што азначае нью-ёркская арыентаванасць на калекцыянераў і часовыя выставы;
• чаму Клойстэрс абавязковы да наведвання, нават калі там, здавалася б, няма беларускага мастацтва;
• як у Цэнтральным парку знайсці статую, звязаную з Віцебскім княствам.

Удзел бясплатны. Папярэдняя рэгістрацыя абавязковая:
Рэгістрацыя

Як будуецца кар’ера ў Злучаных Штатах і што неабходна ўлічваць тым, хто хоча развівацца ў міжнародным прафесійным асяроддзі?

Прафесійная культура ў ЗША значна адрозніваецца ад той, да якой мы прывыклі. Гэта датычыцца ўсяго: ад фармату рэзюмэ і стылю зносін падчас інтэрв’ю да падыходаў да кар’ернага росту і развіцця ў кампаніі. Каб упэўнена сябе адчуваць і паспяхова прасоўвацца ў такой асяроддзі, важна разумець гэтыя асаблівасці і ўмець граматна сябе прэзентаваць.

На нашай наступнай анлайн-сустрэчы мы пагаворым пра асаблівасці кар’ернай сістэмы ЗША разам з Анеллі Арана – выкладчыцай англійскай мовы і прафесаркай універсітэта ў Фларыдзе.

Што вас чакае на сустрэчы:

• Пагаворым пра тое, як амерыканцы будуюць кар’еру і што маецца на ўвазе пад выразам climbing the corporate ladder;
• Разбяром, якія прафесійныя навыкі і асабістыя якасці найболей цэняць працадаўцы ў ЗША сёння;
• Папрактыкуемся ў размоўным англійскім – з рэальнымі выразамі і карыснай лексікай на тэму кар’еры;
• Даведаемся, як падрыхтавацца да інтэрв’ю і што павінна быць у сучасным рэзюмэ;
• Абмяркуем ролю нетворкінгу ў кар’ерным развіцці ў ЗША і даведаемся, як эфектыўна яго выкарыстоўваць.

Чаму варта далучыцца:
Гэта выдатная магчымасць папрактыкаваць англійскую мову з носьбітам, лепш зразумець асаблівасці амерыканскай дзелавой культуры і атрымаць практычныя парады па развіцці кар’еры ад спецыялісткі, якая жыве і працуе ў Злучаных Штатах. Сустрэча будзе цікавая як тым, хто ўжо плануе міжнародную кар’еру, так і тым, хто хоча палепшыць англійскую мову праз абмеркаванне актуальнай і карыснай тэмы.Дата і час: 26 чэрвеня ў 20:00 (па мінскім часе)

Фармат: анлайн
Мова: англійская

Рэгістрацыя

Рыхтуецеся да важнага інтэрв’ю – паступлення ва універсітэт або сумоўя на працу? Хочаце зразумець, як лепш падрыхтавацца, на што звяртаць увагу і якіх памылак варта пазбягаць? Запрашаем на вебінар «Сакрэты паспяховага інтэрв’ю» з Віктарам Хоцімам – супрацоўнікам EducationUSA Belarus і экспертам па амерыканскай адукацыі з 1999 года.

На вебінары вы даведаецеся:

• чаму падрыхтоўка да інтэрв’ю мае вырашальнае значэнне і якія метады сапраўды працуюць;
• чым акадэмічнае інтэрв’ю адрозніваецца ад сумоўя на працу;
• як упэўнена прадставіць сябе ў розных фарматах інтэрв’ю;
• якія дзеянні пасля інтэрв’ю могуць узмацніць вашы шанцы на поспех.

Віктар падзеліцца практычнымі рэкамендацыямі, заснаванымі на больш чым 20-гадовым досведзе працы са студэнтамі і абітурыентамі, якія праходзілі інтэрв’ю ў міжнародных ВНУ і кампаніях.

Дата і час: 25 чэрвеня, 17:00 (па Мінску)
Мова: руская
Фармат: онлайн праз Zoom
Працягласць: 1 гадзіна

Зарэгістравацца

Не прамініце магчымасць атрымаць каштоўныя парады і павысіць свае шанцы на паступленне ці паспяховае ўладкаванне на працу!

Працягваецца серыя сустрэч Alumni Series – вэбінараў з выпускнікамі амерыканскіх адукацыйных праграм, якія дзеляцца сваім досведам, падыходамі і карыснымі інструментамі.

Запрашаем педагогаў і онлайн-рэпетытараў на бясплатны вэбінар з Вадзімам Кручковым – метадыстам, выкладчыкам матэматыкі і праграмавання, экспертам у галіне EdTech. За больш чым 10 гадоў Вадзім навучыў сотні вучняў, стварыў уласныя адукацыйныя праграмы і дапамагае педагогам па ўсім свеце ўкараняць тэхналогіі ў навучанне.

На вэбінары вы даведаецеся:

• як эфектыўна выкарыстоўваць платформы Wordwall, Zoom, Quizizz і Canva для павышэння інтэрактыву на ўроках;
• якія матэматычныя сайты дапамогуць заахвоціць вучняў і арганізаваць практыку;
• як хутка ствараць квізы з PDF з дапамогай штучнага інтэлекту;
• як наладзіць бясплатную сістэму запісу вучняў праз Google Календар;
• атрымаеце аўтарскую табліцу для ўліку наведвальнасці і аўтаматычнага падліку аплат і даходу (падарунок удзельнікам).

Да вэбінара (пасля рэгістрацыі) вы атрымаеце падборку лепшых інтэрактыўных платформаў з кароткімі апісаннямі па групах (гульні, квізы, візуалізацыя, сумесная праца).

Дата і час: 23 чэрвеня, 18:00 (па Мінску)
Фармат: онлайн праз Zoom
Удзел бясплатны.

Зарэгістравацца

Калі хочаце зрабіць онлайн-заняткі больш цікавымі, а падрыхтоўку – прасцейшай і хутчэйшай, далучайцеся да вэбінара!

Калі вы хочаце ўпэўнена адчуваць сябе ў міжнародным прафесійным асяроддзі, граматна камунікаваць з калегамі з розных краін, развіваць навыкі публічных выступленняў на англійскай і эфектыўна будаваць асабісты брэнд – гэты курс для вас!

Запрашаем спецыялістаў з розных сфер з узроўнем англійскай мовы ад B1, якія жадаюць:

• палепшыць навыкі дзелавой камунікацыі на англійскай;
• навучыцца весці перамовы, выступаць публічна і эфектыўна камунікаваць анлайн;
• разабрацца ў тонкасцях міжкультурнай камунікацыі і павысіць сваю культурную кампетэнтнасць;
• развіць лідарскія і прэзентацыйныя навыкі;
• будаваць кар’еру і наладжваць прафесійныя сувязі ў міжнародным асяроддзі.

Курс “Business and Intercultural Communication” – гэта серыя інтэрактыўных воркшопаў з жывой камунікацыяй, практычнымі заданнямі і магчымасцю адаптаваць тэмы пад інтарэсы ўдзельнікаў. На курсе будуць абмяркоўвацца лідарства, лічбавы этыкет, асабісты брэнд, дыстанцыйная праца, вырашэнне канфліктаў і многае іншае.

Курс будзе весці Кэтрын Фаулер – вопытная выкладчыца англійскай мовы з 10-гадовым стажам. Кэтрын працавала ў ЗША, Японіі і Іспаніі, распрацоўвала курсы па бізнес-камунікацыі, мае дзве магістарскія ступені (у тым ліку па прыкладной лінгвістыцы) і сертыфікат па праектным менеджменце ад Google.

Заняткі будуць праходзіць раз на тыдзень – па аўторках у Zoom, пачатак а 18:30 (па мінскім часе), працягласць – 1,5 гадзіны.

Курс пачнецца 24 чэрвеня і працягнецца 10 тыдняў.
Дэдлайн падачы заявак – 18 чэрвеня (уключна).

Падаць заяўку

Колькасць месцаў абмежаваная, адбор будзе праводзіцца на конкурснай аснове (важная матывацыя кандыдата).

Разшырце прафесійныя гарызонты і загаварыце ўпэўнена на міжнароднай мове бізнесу!

Дата: 17 чэрвеня
Час: 19:00 (па мінскім часе)

Ці можна захоўваць сваю ідэнтычнасць у шматкультурным грамадстве? Чаму індзейцы саромеюцца сваёй мовы, а дзеці эмігрантаў часта адмаўляюцца ад каранёў? Ці мае беларуская мова нешта агульнае з індзейскімі?

На сустрэчы з Палінай Маслянковай – магістаркай філалогіі, адукатаркай і ўдзельніцай праграмы Open World-2025 – паразважаем пра мову, культуру і ідэнтычнасць у ЗША і Беларусі.

Абмяркуем:

• жыццё і самакіраванне карэнных народаў Амерыкі;
• рэзервацыі, рада старэйшын, абрады і сучасныя выклікі;
• страта і адраджэнне мовы: што перашкаджае, а што дапамагае;
• моўны сорам, цкаванне і страх перад памылкамі;
• адукацыйныя праблемы: недахоп школ, падручнікаў, медыя;
• што агульнага паміж індзейскімі мовамі і беларускай;
• стаўленне да трасянкі, роля эліт, сацыяльны ліфт;
• досвед некарэнных жыхароў ЗША – дзеці і бацькі эмігрантаў;
• страта мовы і пачуццё віны;
• чаму дзеці з мексіканскімі каранямі часта не вяртаюцца на радзіму – і што гэта можа сказаць пра нас саміх.

Паліна таксама падзеліцца асабістымі гісторыямі і ўражаннямі ад сустрэч з прадстаўнікамі племені Tohono O’odham, візітаў у музеі і назіранняў за тым, як адбываецца інтэграцыя ў амерыканскае грамадства, калі ты прадстаўнік уразлівай супольнасці.

Запрашаем усіх, каго цікавіць тэма мовы, культурнай ідэнтычнасці і досведу жыцця ў ЗША.

Рэгістрацыя

Ветлівая размова з незнаёмымі людзьмі на англійскай мове можа быць няпростай – асабліва калі ў вашай культуры small talk не з’яўляецца звыклай часткай зносін. Аднак у англамоўным свеце гэта не проста фармальнасць, а важны элемент сяброўскіх, дзелавых і паўсядзённых зносін.

Запрашаем на адкрытую анлайн-сустрэчу з Джэніфер Улер – рэгіянальнай спецыялісткай па выкладанні англійскай мовы пры Дзярждэпартаменце ЗША (Рыга), каб разабрацца, чаму small talk мае такое значэнне, як карыстацца ім упэўнена і камфортна ў розных сітуацыях.

Падчас сустрэчы вы:

• даведаецеся, якую ролю адыгрывае small talk у англамоўнай культуры;
• зразумееце, якія тэмы дарэчныя, а якіх лепш пазбягаць;
• падрыхтуеце ўніверсальныя фразы і пытанні для розных сітуацый;
• атрымаеце практычныя парады і магчымасць адпрацаваць навыкі маўлення і разумення на слых у жывой размове.

Сустрэча будзе інтэрактыўнай – мы не толькі паслухаем, але і папрактыкуемся ў дыялогах з іншымі ўдзельнікамі.

Анлайн-сустрэча – 5 чэрвеня ў 19:00 (па мінскім часе)

Рэгістрацыя

Адкрыты набор на другі паток курса. Пачатак – 5 чэрвеня.

Першы паток курса паспяхова завершаны, і мы з радасцю аб’яўляем набор на другі. Падаць заяўку можна да 3 чэрвеня (да 23:59 па мінскім часе). Удзел бясплатны, колькасць месцаў абмежаваная.

Пра курс
Курс распрацаваны спецыяльна для прадстаўнікоў крэатыўных індустрый: мастакоў, фатографаў, кінематаграфістаў, тэатралаў, артыстаў, пісьменнікаў і іншых прафесіяналаў у сферы мастацтва.

Праграма разлічана на ўдзельнікаў з узроўнем англійскай ад A2–B1 і вышэй.

Вы навучыцеся:

• выкарыстоўваць прафесійную лексіку ў сферы мастацтва і творчасці;
• прадстаўляць сябе і сваю творчасць на міжнароднай арэне;
• пісаць біяграфіі і матывацыйныя лісты;
• прасоўваць свае праекты праз сацыяльныя сеткі на англійскай мове;
• рыхтаваць грантавыя заяўкі і партфоліа;
• весці дзелавую камунікацыю ў мастацкім асяроддзі.

Курс будзе праходзіць у інтэрактыўным фармаце з акцэнтам на размоўную і пісьмовую практыку. Кожны ўдзельнік атрымае зваротную сувязь ад выкладчыцы і падрыхтуе фінальную прэзентацыю сваёй творчасці з выкарыстаннем атрыманага матэрыялу.

Выкладчыца
Курс вядзе Лоры Кабрэра – вопытная выкладчыца англійскай мовы з Фларыды. Лоры мае больш за 20 гадоў педагагічнага стажу і ступень магістра ў галіне прыкладной лінгвістыкі.

Падаць заяўку

Заяўкі разглядаюцца на конкурснай аснове. Асаблівая ўвага надаецца матывацыі ўдзельнікаў.

Не ўпусціце шанец удасканаліць англійскую і падрыхтавацца да міжнароднай кар’еры ў свеце мастацтва!

Калі вы вывучаеце англійскую мову і хочаце адчуваць сябе больш упэўнена ў паўсядзённай зносінах, важна авалодаць мастацтвам small talk – лёгкай, нязмушанай гутаркі на нейтральныя тэмы. У ЗША гэта важная частка культуры: такія размовы дапамагаюць наладзіць кантакт, праявіць добразычлівасць і нават закласці аснову для будучага сяброўства або дзелавога супрацоўніцтва.

Што такое small talk?

Гэта кароткая, прыязная гутарка – напрыклад, у чарзе, ліфце, на сустрэчы з калегамі або новымі знаёмымі. Асноўнае правіла: ніякіх канфліктных або занадта асабістых тэм. Вы проста ствараеце пазітыўную атмасферу і праяўляеце цікавасць да суразмоўцы.

Навошта гэта трэба?

Уменне весці small talk дапамагае адаптавацца ў англамоўным асяроддзі, адчуваць сябе ўпэўнена ў вучобе, на працы і ў паўсядзённым жыцці. Гэта першы крок да пабудовы адносін, заснаваных на даверы і ўзаемаразуменні.

Якія тэмы падыходзяць для small talk? І як пачаць размову? Вось нашы парады.

Надвор’е

Класічная тэма, асабліва ў ЗША. Выдатны спосаб разрадзіць абстаноўку. Фразы:

• «Beautiful day, isn’t it?»
• «Can you believe how cold it is today?»
• «Looks like it’s going to rain all weekend.»

Спорт

Калі вы ведаеце, што суразмоўца – аматар спорту, скарыстайцеся гэтым! Фразы:

• «Did you watch the game last night?»
• «What’s your favorite team?»
• «That final was intense, wasn’t it?»

Ежа і рэстараны

Ежу любяць усе. Гэта выдатная нейтральная тэма. Фразы:

• «Have you tried that new Italian place on Main Street?»
• «What’s your go-to comfort food?»
• «I’m looking for a good sushi spot – any tips?»

Фільмы і серыялы

Агульная цікавасць да кіно хутка збліжае. Фразы:

• «Seen anything good on Netflix lately?»
• «I just finished «[назва серыяла]», and I’m obsessed!»
• «Any movie recommendations?»

Музыка

Музыка – універсальная мова. Фразы:

• «What kind of music are you into?»
• «I’ve been listening to a lot of indie lately – any artists you like?»
• «Have you ever been to a live concert?»

Падарожжы

Мінулыя вандроўкі або мары – добрая тэма. Фразы:

• «Have you done any traveling recently?»
• «What’s your dream vacation destination?»
• «I’ve always wanted to visit Japan – have you been?»

Кнігі і падкасты

Падыходзіць для размоў з калегамі, выкладчыкамі і інтэлектуаламі. Фразы:

• «Read anything good lately?»
• «I’m into true crime podcasts – what about you?»
• «I’m looking for a new book – any suggestions?»

Хатнія жывёлы

Жывёлы – крыніца эмоцый і гісторый. Фразы:

• «Do you have any pets?»
• «I saw the cutest dog at the park today!»
• «I’ve been thinking of getting a cat – any advice?»

Выходныя і вольны час

Можна абмеркаваць планы або ўражанні. Фразы:

• «Any plans for the weekend?»
• «What did you get up to last Saturday?»
• «I like hiking on weekends – how do you usually relax?»

Праца і вучоба

Бяспечная тэма, калі вы ўжо крыху знаёмыя. Фразы:

• «What do you do for work?»
• «How did you get into that field?»
• «Are you enjoying your studies?»

Парада: пачніце з простага пытання – і будзьце гатовыя падтрымаць размову. Нават кароткі дыялог на англійскай – гэта ўжо крок да ўпэўненасці.Хочаце гаварыць яшчэ вальней?

Паспрабуйце палепшыць вымаўленне і слоўнікавы запас з дапамогай спецыяльных дадаткаў, напрыклад, BoldVoice.

Музыка – адзін з самых захапляльных і эфектыўных спосабаў вывучаць мову.
На новай сустрэчы размоўнага клуба мы разбяром тэксты культавых поп-песень – ад Элвіса Прэслі да Беёнсэ – і навучымся разумець жывую англійскую мову ў натуральным кантэксце.

Мы засяродзімся на фразавых дзеясловах, слэнгу, ідыёмах і ўстойлівых выразах, што часта сустракаюцца ў песнях і актыўна выкарыстоўваюцца ў паўсядзённай гаворцы. Усё – у даступнай форме і з магчымасцю папрактыкавацца ў размове на англійскай.

Разам з Анэлі Арана – выкладчыцай і прафесаркай універсітэта з Фларыды – мы:

• Паразважаем, як у песнях перадаюцца эмоцыі і сэнсы з дапамогай размоўнай мовы і выразных зваротаў;
• Патрэніруемся ў разуменні англійскай мовы на слых, звяртаючы ўвагу на вымаўленне, рытм і інтанацыю;
• Папрацуем з лексікай: даведаемся, як выкарыстоўваць выразы з песень у штодзённай зносінах;
• Зразумеем, як кантэкст уплывае на значэнне слоў і чаму адны і тыя ж фразы могуць гучаць зусім па-рознаму ў розных песнях.

Наш размоўны клуб – гэта цудоўная магчымасць:

• Пашырыць слоўнікавы запас;
• Палепшыць разуменне англійскай мовы на слых;
• Папрактыкавацца ў размоўнай англійскай з носьбітам мовы.

Далучайцеся!

Рэгістрацыя

Хочаце, каб ваш профіль заўважылі працадаўцы, пачалі запрашаць на сумоўі і адкрылася рэальная перспектыва кар’ернага росту? Тады гэты вэбінар для вас.

Чаму гэта важна:

• 70% рэкрутэраў шукаюць кандыдатаў менавіта ў LinkedIn
• Кожную хвіліну 8 чалавек знаходзяць там працу

Падчас вэбінара вы даведаецеся:

• Што такое LinkedIn і як ён дапамагае развіваць кар’еру
• Як аформіць профіль, каб зацікавіць HR-спецыялістаў
• Якія навыкі і дасягненні варта вылучыць
• Што і як публікаваць, каб вас заўважалі
• Як будаваць прафесійныя сувязі і развіваць нетворкінг
• Якой павінна быць этыка зносін і якія існуюць рэальныя прыклады з практыкі

Спікер:
Юлія Хвацік – выкладчыца права з 15-гадовым досведам, эксперт па прафесійных камунікацыях, лічбавым пазіцыянаванні і клінічнай юрыдычнай адукацыі.

Мова вэбінара: руская

Каму будзе карысна:

• Студэнтам і пачынаючым спецыялістам
• Тым, хто хоча развіваць кар’еру і пашыраць дзелавыя кантакты

Без лішняй тэорыі – толькі практычныя парады, натхненне і канкрэтныя крокі, якія можна адразу прымяніць. Пасля вэбінара вы дакладна захочаце абнавіць свой профіль і пачаць карыстацца LinkedIn з карысцю.

Дата і час: 27 мая ў 19:00 (па мінскім часе)

Рэгістрацыя