Author: AMCM

14 лютага, у Дзень святога Валянціна, пройдзе новая сустрэча размоўнага клуба Амерыканскага цэнтра, і прысвечана яна будзе, вядома, тэме кахання!

Разам з Анджэлай Дадак, прафесаркай Амерыканскага ўніверсітэта ў Вашынгтоне, пагрузімся ў свет песень пра каханне, каб палепшыць вашу ангельскую!

Што вас яшчэ чакае?

Вы даведаецеся аб тэхніках вывучэння замежнай мовы праз песні;

Даведаецеся больш пра традыцыі святкавання Дня святога Валянціна;

Адкрыеце для сябе любімыя рамантычныя песні амерыканцаў.

Далучайцеся да нас 14 лютага а 19-й гадзіне па мінскім часе.

Рэгістрацыя

Вы працуеце ў сферы медыцыны і хочаце палепшыць сваю прафесійную англійскую? Тады падавайце заяўку на наш бясплатны курс Medical English for Professionals!

Мэта гэтага курса – дапамагчы медыцынскім работнікам развіць навыкі зносін на англійскай мове, неабходныя для ўзаемадзеяння з пацыентамі, калегамі і іншымі спецыялістамі ў галіне аховы здароўя. Серыя семінараў была распрацавана такім чынам, каб удзельнікі маглі папрактыкавацца ў размоўнай мове, аўдзіраванні, чытанні і пісьме на англійскай мове, а таксама пазнаёміцца ​​з надзейнымі і навукова абгрунтаванымі рэсурсамі.

Весці курс будзе вопытная выкладчыца з ЗША Джудзі Эмерсан. Джудзі мае больш чым дваццацігадовы вопыт выкладання англійскай мовы. На працягу трох гадоў яна працавала навуковым супрацоўнікам па англійскай мове ў Дзяржаўным дэпартаменце ЗША ў Манголіі, дзе адказвала за падрыхтоўку настаўнікаў, вывучэнне англійскай мовы для спецыяльных мэт і курсы англійскай мовы ў каледжы. У 2020 годзе Джудзі распрацавала семестравы курс англійскай мовы для медыцынскіх мэт і выкладала яго студэнтам медыцынскай школы Універсітэта Анауак (Пуэбла, Мексіка).

Акрамя таго, яна правяла серыю семінараў для ўрачоў, вучоных і выкладчыкаў англійскай мовы ў Гомельскім дзяржаўным універсітэце ў Беларусі.

Курс працягнецца з сярэдзіны лютага па сярэдзіну красавіка 2025 года. Заняткі будуць праходзіць адзін раз у тыдзень у Zoom, а хатнія заданні студэнты будуць атрымліваць у Google Classroom.

Падаць заяўку могуць спецыялісты з веданнем англійскай мовы на ўзроўні A2 і вышэй.

Старт – 12 лютага. Дэдлайн для падачы заяўкі – 7 лютага (уключна).

Падаць заяўку

6 лютага разам з EducationUSA Belarus запрашаем вас на вебінар, прысвечаны мастацтву публічных выступаў і інтэрв’ю!

Разам з амерыканскімі студэнткамі Аняй Вільсан і Ізабэлай Бабінскай мы будзем вучыцца рабіць моцнае ўражанне на слухачоў, ці то любы публічны выступ ці праходжанне сумоўя. Вы таксама даведаецеся аб метадах зніжэння трывожнасці перад выступленнем, спосабах эфектыўна даносіць свае думкі, а таксама аб тым, як выгадна падкрэсліць свае моцныя бакі.

Калі: 6 лютага ў 17.00 па мінскім часе;

Працягласць: да 1 гадзіны (уключаючы квіз і сесію пытанне-адказ);

Мова: англійская.

Далучайцеся да нас, каб палепшыць навык публічных выступаў і павысіць свой прафесійны і акадэмічны ўзровень!

Зарэгістравацца

Сябры, запрашаем на новую сустрэчу размоўнага клуба з ураджэнцам Нью-Ёрка і выпускніком Прынстана Джо Шыплі!

На гэты раз Джо прапануе пагаварыць аб тым, як Нью-Ёрк прадстаўлены ў кіно і на вялікім экране, і як гэта ўплывае на вобраз горада, які ніколі не спіць.

На сустрэчы мы абмяркуем:

• Якія фільмы, знятыя ў Нью-Йорку, сталі культавымі і чаму?
• Як папулярныя фільмы і тв-шоу перадаюць унікальную атмасферу горада?
• Якія месцы з фільмаў сталі знакавымі для горада і кропкамі прыцягнення турыстаў?
• Як кінаіндустрыя ўплывае на наша ўспрыманне гарадоў, такіх як Нью-Ёрк?

Не прапусціце магчымасць папрактыкаваць сваю англійскую з носьбітам і дакрануцца да магіі Нью-Ёрка праз досвед яго карэннага жыхара!

Сустрэча пройдзе 28 студзеня ў 19.00 (па мінскім часе).

Зарэгістравацца

24 студзеня ў Business Book Club будзем абмяркоўваць вядомую біяграфію сузаснавальніка карпарацыі Apple Стыва Джобса, напісаную амерыканскім журналістам і біёграфам Уолтарам Айзэксанам.

У аснову гэтай біяграфіі ляглі гутаркі з самім Стывам Джобсам, а таксама з яго сваякамі, сябрамі, ворагамі, супернікамі і калегамі. Джобс ніяк не кантраляваў аўтара.

Гэта аповед пра жыццё, поўнае падзенняў і ўзлётаў, пра моцнага чалавека і таленавітага бізнэсмэна, які адным з першых зразумеў: каб дабіцца поспеху ў XXI стагоддзі, трэба спалучыць крэатыўнасць і тэхналогіі.

Далучайцеся да абмеркавання 24 студзеня а 20-й гадзіне па мінскім часе.

Рэгістрацыя

Наш наступны сумесны з EducationUSA Belarus вебінар будзе прысвечаны таму, як збіраць, афармляць і падаваць пакет дакументаў ва ўніверсітэты ЗША!

На сустрэчы вы атрымаеце практычныя рэкамендацыі па стварэнні паспяховай заяўкі ва ўніверсітэт: як правільна напісаць заяву, прасіць рэкамендацыі і прадстаўляць свае дасягненні.

Вебінар правядзе Аня Вілсан, студэнтка бакалаўрыяту Амерыканскага ўніверсітэта ў Вашынгтоне і VSFS intern for Belarus.

Калі: 30 студзеня ў 17.00 па менскім часе;

Працягласць: да 1 гадзіны (уключаючы квіз і сесію пытанне-адказ);

Мова: англійская.

Зарэгістравацца

Не прапусціце магчымасць падвысіць упэўненасць у сабе і ўдасканаліць сваю заяўку, калі вы плануеце вучобу ў ЗША!

СМІ, тэлебачанне і, у асаблівасці, Інтэрнэт адкрылі нам мноства шляхоў для вывучэння таго, што нам цікава. Так студэнты, якія вывучаюць ЗША, думаюць, што ведаюць усё пра Амерыку. Але ў рэальнасці разнастайнасць крыніц толькі ўскладняе доступ да па-сапраўднаму якасных рэсурсаў.

Далучайцеся да нашага анлайн-івэнту з рэгіянальнай спецыялісткай дзярждэпартамента па англійскай мове ў Рызе Джэніфер Улер, каб даведацца аб якасных і дакладных крыніцах з розных сродкаў масавай інфармацыі, якія дапамогуць лепш зразумець Злучаныя Штаты ды іх культуру.

На сустрэчы Джэніфер падзеліцца добрымі рэсурсамі з розных абласцей медыя: падкастамі; кнігамі, адзначанымі ўзнагародамі; лекцыямі і выступамі; незвычайнымі газетамі і часопісамі, і шматлікім іншым.

Далучайцеся да нашай сустрэчы 31 студзеня ў 19.00 (па мінскім часе) і вы сыдзеце з цэлым спісам крыніц, якія дапамогуць вам рушыць наперад у вывучэнні англійскай мовы.

Рэгістрацыя

American Center Minsk i EducationUSA Belarus запрашаюць на вебінар, прысвечаны акадэмічнаму пісьму, плагіяту і этычнаму выкарыстанню штучнага інтэлекту.  

На сустрэчы мы абмяркуем асновы напісання добра структураваных эсэ, як пазбегнуць плагіяту з дапамогай правільнага цытавання і як адказна выкарыстоўваць ШІ для паляпшэння вашага пісьма. Практычныя прыклады і парады дапамогуць вам палепшыць свае навыкі і захоўваць акадэмічную сумленнасць на працягу ўсяго навучання.

Вебінар правядзе Ізабэла Бабінска, студэнтка Англа-Амерыканскага ўніверсітэта ў Празе і VSFS intern for Belarus.  

Калі: 16 студзеня ў 17.00 па мінскім часе; 

Працягласць: да 1 гадзіны (уключаючы квіз і сесію пытанне-адказ); 

Мова: англійская.

Зарэгістравацца можна па спасылцы. 

Абавязкова далучайцеся, будзе цікава і пазнавальна!

Сябры, запрашаем вам на першую сустрэчу нашага размоўнага клуба ў новым годзе! Што будзем абмяркоўваць? Навагоднія абяцанні, мэты і іх дасягненне, вядома! «Матывацыйны» English Speaking Club правядзе выкладчыца з ЗША, д-р Анджэла Дадак.

Пагаворым пра важнасць навагодніх абяцанняў, а таксама навучымся ставіць рэалістычныя і дасягальныя мэты. Вы даведаецеся пра метады, якія дапамогуць вам не толькі вызначыць свае жаданні і імкненні, але і распрацаваць план дзеянняў для іх рэалізацыі.

Анджэла падзеліцца практычнымі парадамі і тэхнікамі, якія дапамогуць вам заставацца матываванымі на працягу ўсяго года.

Далучайцеся да размовы 10 студзеня ў 19.00 па мінскім часе, каб зарадзіцца пазітывам і натхненнем на ўвесь год!

Рэгістрацыя

Першая сустрэча нашага Business Book Club у новым годзе пройдзе 9 студзеня і абмяркоўваць мы будзем бэстсэлер New York Times і Sunday Times – кнігу Мустафы Сулеймана «Будучая хваля. Тэхналогіі, улада і найвялікшая дылема XXI стагоддзя».

Надыходзіць новая тэхналагічная хваля: магчыма, хутка мы зможам надрукаваць сабе новую печань на хатняй біядрукарцы і вырашыць, нарэшце, «задачу коміваяжора» з дапамогай квантавага кампутара. Але тэхналогіі абяцаюць не толькі багатае жыццё. Яны пагражаюць нашай бяспецы: штучныя пандэміі, кібератакі і глабальныя тэракты – гэта толькі некалькі сцэнарыяў катастроф.

Эксперт у галіне штучнага інтэлекту Мустафа Сулейман перакананы, што некалькі найбліжэйшых дзесяцігоддзяў могуць стаць лепшымі ці горшымі ў гісторыі чалавецтва. Якім шляхам пойдзе нашае грамадства, ці будзе яно стабільным і бяспечным, залежыць ад нас.

Далучайцеся да абмеркавання кнігі 9 студзеня а 20-й гадзіне па мінскім часе.

Рэгістрацыя

Сябры! З нагоды надыходзячага святочнага сезона Амерыканскі цэнтр запрашае вас на ўнікальны канцэрт зоркі Брадвея Дэніэла Брэйкера. 

Дэніэл Брэйкер – амерыканскі акцёр і комік, выпускнік Джульярдскай школы. Найбольш запамінальнымі працамі Брэйкера былі роля Юнака ў пастаноўцы Passing Strange (за якую ён атрымаў узнагароду «Obie»), роля Асла ў арыгінальнай брадвейскай пастаноўцы мюзікла «Шрэк», а таксама роля Аарона Берра ў мюзікле «Гамільтан».

Ён таксама з’яўляўся на тэлебачанні ў такіх праектах як The Good Fight, Billions і Law & Order.

Сябры, запрашаем вас далучыцца да ўнікальнага вебинару, які пройдзе ў прамым эфіры з самага сэрца праліва Дрэйка, які злучае Атлантычны і Ціхі акіяны!

20 снежня ў 17.00 па мінскім часе на борце экспедыцыйнага судна ў праліве Дрэйка, на першай у сваім родзе дыскусіі збяруцца героі космасу і легендарныя даследчыкі акіянаў, каб абмеркаваць найважнейшыя пытанні пра будучыню нашай планеты.

Хто будзе ўдзельнічаць?

Уільям Шэтнер, акцёр, які сыграў капітана Кірка ў «Зорным шляху», падзеліцца сваімі па-сапраўднаму касмічнымі гісторыямі!

Ніл Дэграс Тайсан, знакаміты астрафізік, з уласцівымі яму дасціпнасцю і мудрасцю, раскрые таямніцы Сусвету і натхніць нас усіх паглядзець наверх.

Скот Кэлі, астранаўт NASA раскажа, як гэта – пражыць год у космасе, і якія ўрокі з гэтага вопыту ён выняў для жыцця на Зямлі.

Хасэ Эрнандэс, астранаўт NASA, які даказаў, што мары сапраўды могуць стаць рэальнасцю.

Селін Кусто, абаронца акіянаў і рэжысёрка, раскажа пра важнасць захавання акіянаў ды нашай блакітнай планеты.

Мадэраваць дыскусію будзе Джанет Айві, стваральніца праекта Janet’s Planet.

Вы можаце зарэгістравацца на вебінар і пакінуць сваё пытанне ўдзельнікам па спасылцы.

Падрабязней пра праект можна даведацца на сайце http://space2sea.io 

#Space2Sea #S2SAntarctica #EpicConversations #LiveFromAntarctica

Вашы стужкі ў сацыяльных сетках зараз напэўна перапоўненыя Spotify Wrapped – усе вакол дзеляцца сваімі любімымі выканаўцамі, самымі праслухоўванымі трэкамі, папулярнымі жанрамі года і г.д.

Але на такіх платформах як Spotify можна ж не толькі слухаць музыку, але і вучыцца! Як у вас з падкастамі? Слухаеце? Напярэдадні новага года мы склалі для вас спіс добрых подкаст ў Spotify, якія дапамогуць вам у вывучэнні англійскай. Забірайце ў свае плэйлісты!

1. Learning English Conversations

Узровень: Beginner

Паўсядзённыя выразы і рэальныя размовы на англійскай мове зробяць вашу камунікацую па-англійску прасцейшай.

2. 6 Minute English

Узровень: Beginner to Intermediate

Вывучайце і практыкуйце англійскую мову карысную для паўсядзённых сітуацый.

3. Plain English

Узровень: Intermediate

Лепшы падкаст для вывучэння англійскай мовы, калі вы цікавіцеся парадкам дня і трэндавымі тэмамі. Паляпшайце сваю англійскую на слых (эпізоды ідуць трохі павольней, чым хуткасць звычайнай гаворкі носьбіта), вывучайце новыя словы і здабывайце ўпэўненасць з подкастам №1 для вывучэння англійскай мовы, прысвечаным бягучым падзеям і папулярным тэмам.

4. Espresso English Podcast

Узровень: Intermediate

Паляпшайце сваю англійскую ўсяго за некалькі хвілін у дзень! З гэтым подкастом вы зможаце вывучаць англійскую граматыку, папаўняць слоўнікавы запас, даведвацца новыя выразы, ідыёмы і многае іншае.

5. English Learning for Curious Minds

Узровень: Intermediate to advanced

Шукаеце цікавейшы спосаб вывучаць англійскую? English Learning for Curious Minds – падкаст для тых, хто вывучае англійскую мову на сярэднім і прасунутым узроўні. Даведайцеся дзіўныя і незвычайныя рэчы пра наш свет, адначасова паляпшаючы сваю англійскую. Кожны эпізод суправаджаецца інтэрактыўнай расшыфроўкай, субтытрамі і ключавымі словамі і вымаўляецца з хуткасцю, якая палягчае разуменне.

6. The Feel Good English Podcast

Узровень: Advanced

Натхняльныя ўрокі англійскай, заснаваныя на лепшых навукова-папулярных кнігах і выступах Ted Talks.

У снежні толькі і размоваў, што пра Каляды. Сябры, запрашаем вас на яшчэ адну сустрэчу нашага Размоўнага клуба, прысвечаную магіі Раства ў Нью-Ёрку!

На гэты раз нашым спікерам будзе Джо Шыплі – аспірант Прынстанскага ўніверсітэта і карэнны нью-ёркец! Цяпер Джо займаецца пытаннямі Беларусі ў пасольстве ЗША ў Вільнюсе, а пасля гэтага ён плануе вярнуцца дадому, каб скончыць навучанне ў магістратуры.

На нашай сустрэчы размоўнага клуба Джо раскажа як Нью-Йорк рыхтуецца да святочнага сезона; распавядзе пра традыцыі, якія шануюць жыхары Вялікага яблыка; а таксама пра неверагодныя ўпрыгожванні, якія ператвараюць Нью-Ёрк у сапраўдную зімовую казку. І, вядома, куды без галоўных славутасцяў Нью-Ёрка – Ракфелер-цэнтра і Таймс-сквера?

Далучайцеся, каб зазірнуць у самае сэрца святочнага духу Нью-Ёрка!

Сустрэча пройдзе 19 снежня а 19-й гадзіне па мінскім часе.

Зарэгістравацца

20 снежня адбудзецца незвычайная сустрэча ў нашым Business Book Club. Гэтым разам мы будзем абмяркоўваць не кнігу, а фільм! І вы напэўна яго глядзелі! Гэта чорная камедыя Марціна Скарсэзэ з Леанарда Ды Капрыа ў галоўнай ролі — «Воўк з Уол-стрыт». 

У аснове фільма ляжыць кніга «Метад ваўка з Уол-стрыт. Адкрыцці лепшага прадаўца ў свеце» — мемуары Джордана Белфорта, былога нью-ёркскага брокера. У 1990-х ён заснаваў сваю фірму Stratton Oakmont, якая займалася продажам танных акцый па тэлефоне і пераконвала інвестараў заключаць ашуканскія пагадненні. Праз дзесяць гадоў Белфорт быў асуджаны за адмыванне грошай і шэраг іншых фінансавых злачынстваў. 
 
Фільм Марціна Скарсэзэ быў прадстаўлены на «Оскары» ў пяці намінацыях, а таксама ў чатырох на BAFTA і ў дзвюх на прэміі «Залаты глобус». У апошняй Леанарда Ды Капрыа атрымаў узнагароду як лепшы акцёр у камедыі/мюзікле. 

Прыходзьце абмяркоўваць фільм 20 снежня ў 20.00 (па мінскім часе) у Zoom! 

Зарэгістравацца 

Сябры, запрашаем вас на другую анлайн-сустрэчу Размоўнага клуба Амерыканскага цэнтра з выкладчыцай з ЗША Анджэлай Дадак. 

На гэты раз пагаворым пра асаблівасці і амерыканскія традыцыі святкавання Раства! Вы даведаецеся, як у ЗША ўпрыгожваюць дамы, якія стравы гатуюць да святочнага стала, як бавяць час з сям’ёй і сябрамі, а таксама пра тое, якія падарункі дораць адзін аднаму і як рыхтуюцца да сустрэчы з Санта-Клаусам. 

Акрамя таго, у вас будзе магчымасць папрактыкаваць свою англійскаую ў сяброўскай і натхняльнай атмасферы. 
 
Сустрэча пройдзе 16 снежня а 19-й гадзіне па мінскім часе. 
 
Не прапусціце магчымасць правесці час з карысцю і ў святочным настроі! 

Зарэгістравацца  

Анлайн-сустрэча з экспертам па медыяграматнасці.

Снежань — найлепшы час, каб адкласці свае тэлефоны, зладзіць дзіджытал детакс і парэфлексаваць над мінулым годам, а таксама над сваімі лічбавымі звычкамі, таму што яны — велізарная частка нашага жыцця. 

Ці дасягнулі вы сёлета таго, што запланавалі? Ці адчуваеце вы баланс паміж сваім онлайн і афлайн жыццём? Калі не — не хвалюйцеся, усё можна змяніць! Як дапамагчы сабе на гэтым шляху і прытрымлівацца плана раскажа спецыяліст па медыяграматнасці і наш пастаянны спікер Джо Крэшчэнтэ. 

Джо лічыць, што асноўныя перашкоды заўжды знаходзяцца ў зоне нашага кантролю, нават калі нам так не падаецца. Спікер падзеліцца рэальнымі прыкладамі таго, як людзі бяруць пад кантроль свае лічбавыя звычкі і ўкараняюць змены. Кожны ўдзельнік сустрэчы знойдзе нешта, што захоча ўкараніць у сваё жыццё і дабіцца пазітыўных змен! 

Джо Крэшчэнтэ — выкладчык, пісьменнік і спецыяліст па лічбавай граматнасці з больш чым дваццацігадовым вопытам работы ў сферы медыя, камунікацый і адукацыі. Ён правёў сотні семінараў і анлайн-курсаў па медыяграматнасці і даследуе, як ШІ, спажыванне навін, алгарытмы і тэхналогіі ўплываюць на нашае паўсядзённае жыццё. 

Далучайцеся да нашай сустрэчы 9 снежня ў 19.00 па мінскім часе, каб увайсці ў новы год з новымі звычкамі! 

Зарэгістравацца 

Амерыканскі цэнтр і Фестываль інтэлектуальнай кнігі PRADMOVA запрашаюць вас на воркшоп «Як стварыць свой уласны кніжны клуб». 

Калі: 1 снежня ў 18.00 па мінскім часе 

Дзе: анлайн у Zoom 

Мова: англійская 

Мы абмяркуем, якія ёсць віды кніжных клубаў і чым яны адрозніваюцца ў арганізацыі. Пагаворым аб тым, як пабудаваць структуру клуба ў залежнасці ад умоў і магчымасцяў вашага кам’юніці. А яшчэ правядзём сумесны мазгавы штурм і натхнімся на стварэнне сваіх кніжных спісаў для сумеснага чытання і абмеркаванні. 

Воркшоп правядзе Эмі Паскучы, незалежны кансультант па навучанні англійскай мове і стварэнню адукацыйных праграм. У Эмі багаты вопыт у сферы адукацыі для дарослых і падрыхтоўкі настаўнікаў. Яна падзеліцца з удзельнікамі сваімі ідэямі, якія дапамогуць кожнаму арганізаваць свой унікальны кніжны клуб. 

Рэгістрацыя

17 лістапада ў 19:00 у прасторы MIT (Stalowa 36) у Варшаве адбудзецца сумесная прэзентацыя праграм @EducationUSABelarus і Амерыканскага цэнтра, дзе вы даведаецеся, як бясплатна атрымаць адукацыю ў ЗША, пазнаёміцеся з магчымасцямі ўдзелу ў мерапрыемствах Амерыканскага цэнтра і праграмамі абмену.

 

Супрацоўнікі Амерыканскіх саветаў па міжнароднай адукацыі раскажуць пра рэсурсы для беларусаў: ад праграм для старшакласнікаў і студэнтаў да прапаноў для прадпрымальнікаў і спецыялістаў. Вы даведаецеся пра праграмы бакалаўрыята, магістратуры, дактарантуры і атрымаеце інфармацыю пра фінансаванне, якое даступна ўдзельнікам з Беларусі. 

Для ўдзелу ў мерапрыемстве неабходная рэгістрацыя: дастаткова ўказаць ваш электронны адрас. Гэтыя даныя патрэбныя выключна для ўліку ўдзельнікаў, а таксама для таго, каб вы маглі атрымліваць нашу рассылку пра будучыя мерапрыемствы. 
 

Чакаем вас на прэзентацыі – пачніце свой шлях да міжнароднай адукацыі ўжо сёння 🙌 

Другі івэнт з EducationUSA Belarus, які мы праводзім у межах тыдня міжнароднай адукацыі, будзе прысвечаны мастацтву публічных выступаў і інтэрв’ю! Разам з амерыканскімі студэнткамі Аняй і Ізабэлай мы будзем вучыцца эфектыўнай камунікацыі і навыку рабіць уражанне на слухачоў, ці то выступленне ў класе ці на сумоўі. 

Спікеркі падзеляцца метадамі зніжэння трывожнасці, а таксама спосабамі дакладнага фармулявання сваіх думак і падсвятлення сваіх моцных бакоў. Далучайцеся да нас, каб палепшыць свае навыкі публічных выступаў і дабіцца прафесійных і акадэмічных поспехаў! 

21 лістапада ў 17:00 (па менскім часе). 

Зарэгістравацца