Author: AMCM

22 лістапада 1963 года, 60 год таму, абарвалася жыццё самага маладога прэзідэнта ў гісторыі ЗША. Джон Ф. Кенэдзі быў смяротна паранены стрэлам з вінтоўкі падчас візіту ў Тэхас.

Кенэдзі вырас у прывілеяваным раёне Бостана, удзельнічаў у Другой сусветнай вайне, заняўся палітыкай, ажаніўся з прыгожай маладой жанчынай, стаў бацькам дваіх дзяцей і заняў вышэйшую пасаду ў краіне.

Куля забойцы абарвала жыццё і спадчыну прэзідэнта. Як гэта паўплывала на Амерыку? Якія таямніцы хавае гэтая гісторыя? І як забойца Кенэдзі звязаны з Мінскам?

Даведайцеся, паглядзеўшы лекцыю амерыканскага прафесара Дэвіда Голдфілда на нашым YouTube-канале (з рускімі субтытрамі).

American Center Minsk рады прадставіць унікальны лічбавы зборнік, у які ўвайшлі тэксты ўдзельнікаў семінара «Сучасная драматургія». Семінар адбыўся ў кастрычніку 2023 года.

У зборнік увайшлі адзіннаццаць драматургічных твораў. П’есы ўдзельнікаў семінара, напісаныя ў самых розных стылях, даследуюць вечныя тэмы кахання, смутку, памяці і мастацтва. Гэтыя тэксты не толькі агаляюць творчы патэнцыял аўтараў, але і падсвечваюць важную ролю драматургіі ў досведзе суперажывання і супольнасці.

Запрашаем пазнаёміцца з творамі па спасылцы. 

Летам 2023 года Амерыканскі цэнтр правёў серыю анлайн-сустрэч з прадстаўніцамі амерыканскай тэхіндустрыі для беларусак, занятых у IT-сферы.

Першай спікеркай была Джойс Чжан Грэй – генеральная дырэктарка і сузаснавальніца Alariss, глабальнай гандлёвай пляцоўкі, якая злучае міжнародныя высокатэхналагічныя кампаніі з вядучымі мясцовымі спецыялістамі па продажах, развіццю бізнесу і агульнаму менеджменту ў ЗША і на іншых ключавых рынках. Джойс Чжан Грэй расказала пра тое, якія выклікі стаяць перад жанчынамі ў STEM, а таксама падзялілася досведам аб практыках пераадолення гэтых выклікаў і прасоўвання жанчын па кар’ернай лесвіцы.

У мерапрыемстве прынялі ўдзел больш за 50 удзельніц – прадстаўніц беларускай супольнасці Women in Tech, супрацоўніц беларускіх тэхналагічных кампаній, а таксама дзяўчат і жанчын, якія толькі збіраюцца будаваць кар’еру ў IT.

Другая лекцыя была прысвечана сувязі тэхналогій і медыка-біялагічных навук. Брыджыт Пауэрс, кіраўніца аддзела дызайну стартапа ONI, які факусуецца на медыцынскіх і фармацэўтычных мэтах, распавяла аб скрыжаванні тэхналогій і медыка-біялагічных навук, уключаючы тэндэнцыі гэтай галіны, апошнія дасягненні і праблемы для прафесіяналаў і спажыўцоў.

Трэцюю лекцыю правяла Летыцыя Гэрыёт дэ Кае, прадпрымальніца і заснавальніца Global Space Ventures, актывістка ў барацьбе за правы жанчын у STEM. Летыцыя падзялілася са слухачкамі ведамі аб перадавых тэхналогіях і іх уплыве на сферу IT, а таксама аб тым, як яны садзейнічаюць развіццю лідэрства, дэмакратыі і барацьбе з дэзінфармацыяй.

У кастрычніку 2023 года ў межах Фестывалю інтэлектуальнай кнігі Pradmova Амерыканскі цэнтр арганізаваў прэзентацыю кнігі амерыканскай даследчыцы і прафесаркі Эліс Бемпарад «Ператварэнне ў савецкіх яўрэяў. Вялікі эксперымент у Мінску».

Якімі былі норавы ў мультыкультурным горадзе? Як яўрэі ставіліся да савецкай улады? Чаму яўрэі з Масквы і Вільні зайздросцілі мінскім? На гэтыя ды іншыя пытанні шукае адказы даследчыца. Падчас працы над кнігай Эліс некалькі разоў наведвала Мінск, вывучала архівы, збірала сведчанні мінулага і фотаздыскі. 

Падчас фестывалю Pradmova даследчыца ўпершыню прадставіла сваю кнігу аўдыторыі з Беларусі.

Паглядзець запіс прэзентацыі з рускімі субтытрамі можна на нашым YouTube-канале.

31 траўня 2023 года ў Варшаве на базе Беларускага Моладзевага Хаба прайшла лекцыя амерыканскага гісторыка, прафесара Дэвіда Голдфілда.

Намінант Пулітцэраўскай прэміі прыляцеў у Польшчу па запрашэнні Амерыканскага цэнтра, каб падзяліцца ведамі пра трансфармацыю амерыканскай палітыкі.

Дэвід Голдфілд добра знаёмы аўдыторыі Амерыканскага цэнтра – ён рэгулярна праводзіць лекцыі ў нашай анлайн-прасторы. Таму першая жывая сустрэча была доўгачаканай і вельмі цёплай.

Пачуць выступленне прафесара беларусы маглі ў Беларускім Моладзевым Хабе, а таксама ў анлайн-фармаце. Пасля гадзіннай лекцыі спадара Голдфілда пачалося актыўнае абмеркаванне і дыскусія з зацікаўленай аўдыторыяй.

Мы дзякуем Беларускаму Моладзеваму Хабу за дапамогу ў арганізацыі мерапрыемства і забеспячэнне трансляцыі. А таксама дзякуем усім, хто далучыўся да лекцыі. 

Да новых сустрэч – у віртуальнай і рэальнай прасторы Амерыканскага цэнтра!

У верасні 2023 года пры падтрымцы Амерыканскага цэнтра быў аб’яўлены набор на курс пісьменніцы Ганны Златкоўскай “Напісьменніцкі практыкум”. Усяго за некалькі дзён арганізатары атрымалі больш за 120 заявак і адабралі 15 студэнтаў.

Удзельнікі курса развівалі свае пісьменніцкія навыкі, вучыліся ствараць цікавыя сюжэты, практыкаваліся ў напісанні тэкстаў і даведваліся сакрэтныя прыёмы пісьма, как “зачапіць” чытача.

Па выніку трох курсаў Амерыканскі цэнтр падрыхтаваў зборнік з найлепшымі тэкстамі выпускнікоў. Азнаёміцца ​​з тэкстамі вы можаце па спасылцы: https://americancenterminsk.org/best-stories-from-writing-workshops/