Запрашаем мастакоў, фатографаў, кінематаграфістаў, тэатралаў і артыстаў, пісьменнікаў ды іншых прафесіяналаў з крэатыўных індустрыі на бясплатны курс англійскай мовы.
Падавайце заяўку, калі ваш узровень англійскай A2-B1 і вышэй, і вы хочаце:
- авалодаць прафесійнай лексікай;
- навучыцца прадстаўляць сябе і сваю творчасць на міжнароднай сцэне;
- пісаць артыстычныя біяграфіі і матывацыйны лісты;
- прасоўваць сябе і сваю творчасць праз сацыяльныя сеткі;
- правільна рыхтаваць грантавыя заяўкі і партфоліё;
- асвоіць дзелавую камунікацыю ў свеце мастацтва.
Курс будзе інтэрактыўным, з практыкай размоўнай і пісьмовай англійскай, а таксама зваротнай сувяззю ад выкладчыцы.
Весці курс будзе Лоры Кабрэра. Лоры – дасведчаны педагог з Фларыды, з 20-гадовым стажам выкладання англійскай мовы дарослым. Яна мае ступень магістра ў галіне прыкладной лінгвістыкі і ўдзельнічала ў праграме абмену Fulbright. Лоры працавала ў ЗША, Іспаніі, Кітаі, Эквадоры і Гватэмале, дапамагаючы дарослым дасягнуць кар’ерных мэт праз вывучэнне англійскай. Таксама яна мае досвед у напісанні грантавых заявак і прасоўванні бізнесу.
Курс пройдзе з 20 сакавіка па 22 траўня 2025 года. Заняткі будуць праходзіць па чацвяргах у 18.00 (па мінскім часе).
Дэдлайн для падачы заявак – 16 сакавіка (уключна).
Звяртаем увагу, што заяўкі будуць разглядацца на конкурснай аснове (асаблівая ўвага будзе надавацца матывацыі апліканта).
Пакінуць адказ