Category: Uncategorized

Кожны дзень мы робім выбар як спажыўцы – але ці заўсёды разумеем, што менавіта купляем? Як вызначыць якасць прадуктаў, разабрацца ў складзе і прымаць рашэнні, якія падтрымліваюць здароўе і сямейны бюджэт, — пра гэта пагаворым на новым вэбінары Alumni Series.

Запрашаем вас на вэбінар з Уладзімірам Зуевым – біёлагам, хімікам і эколагам, магістрам палітычных навук, кіраўніком экалагічнай НДА і аўтарам прац па пытаннях навакольнага асяроддзя і спажывецкай граматнасці.

Падчас вэбінара мы:
▸ разгледзім сучасныя тэндэнцыі спажывання;
▸ пагаворым пра бяспеку прадуктаў харчавання;
▸ навучымся вызначаць якасць прадуктаў;
▸ абмяркуем харчовыя дабаўкі і мадэлі спажывецкіх паводзін.

Дата і час: 12 сакавіка, 19:00 (па мінскім часе)
Для каго: для ўсіх, хто цікавіцца асазнаным спажываннем і здаровым ладам жыцця

Рэгістрацыя

Далучайцеся, каб зрабіць сваё спажыванне больш асэнсаваным і ўпэўненым.

American Center Minsk абвяшчае набор на новы размоўны курс англійскай мовы Everyday English Discussions, прызначаны для дарослых слухачоў з сярэднім узроўнем валодання англійскай мовай.

Для каго гэты курс

Курс разлічаны на дарослых удзельнікаў (18+) з узроўнем англійскай B1–B2 (Intermediate), якія хочуць больш упэўнена размаўляць па-англійску ў паўсядзённых сітуацыях, свабодна ўдзельнічаць у абмеркаваннях і развіваць навыкі жывых зносін.

Расклад і працягласць

Заняткі будуць праходзіць у дзвюх групах паводле ўзроўню:

• B1 — па серадах
• B2+ — па пятніцах

Пачатак заняткаў — 18:30 (па мінскім часе).
Працягласць аднаго занятку — 1,5 гадзіны.

Перыяд курса: 18 сакавіка – 31 ліпеня 2026 года
Агульная працягласць: 20 тыдняў.

Праграма курса

Удзельнікаў чакае:

• практыка размоўнай англійскай у рэальным часе;
• вывучэнне ідыём, размоўных выразаў і сучаснай лексікі;
• абмеркаванне культурных і актуальных тэм;
• работа ў міні-групах і інтэрактыўныя заданні;
• развіццё бегласці маўлення і ўпэўненасці ў зносінах;
• добразычлівая і падтрымліваючая навучальная атмасфера.

Вынікі навучання

Пасля завяршэння курса ўдзельнікі змогуць:

• натуральна выкарыстоўваць размоўныя выразы і ідыёмы;
• упэўнена выказваць сваё меркаванне па-англійску;
• падтрымліваць размову і задаваць удакладняльныя пытанні;
• адчуваць сябе больш упэўнена ў спантанных размовах.

Выкладчык

Курс вядзе Адрыен Лейн, выкладчыца англійскай мовы з амаль 10-гадовым міжнародным досведам работы онлайн і офлайн. Яна мае ступень Master of Education у галіне Curriculum & Instruction (білінгвальная і бікультурная адукацыя) і стварае камфортнае адукацыйнае асяроддзе, у якім студэнты актыўна практыкуюць мову і развіваюць упэўненасць у зносінах.

Фармат навучання

Заняткі праходзяць онлайн у Zoom. Асноўны акцэнт праграмы — абмеркаванні і размоўная практыка ў рэальным часе.

Як падаць заяўку

Каб прыняць удзел, неабходна запоўніць анкету па спасылцы. Адбор праводзіцца на конкурснай аснове; асаблівая ўвага надаецца матывацыі кандыдатаў.

Дэдлайн падачы заявак — 6 сакавіка 2026 года (да 23:59 па мінскім часе).

Трывога падчас размовы на замежнай мове знаёмая амаль кожнаму. Нават калі ў вас добры ўзровень, словы могуць «застраваць», голас – дрыжаць, а ўпэўненасць – знікаць. Гэтая з’ява называецца xenoglossophobia. Але добрая навіна ў тым, што з гэтым можна працаваць.

Запрашаем вас на практычны анлайн-вэбінар з Таняй Шманоўскай – выкладчыцай англійскай мовы з 21-гадовым досведам працы, спецыялісткай па навучанні дарослых студэнтаў прасунутага ўзроўню, уладальніцай сертыфікатаў IHC і DELTA Module 1. Таня таксама навучалася гештальт-тэрапіі, траўматэрапіі і групавой тэрапіі, што дазваляе ёй спалучаць моўнае навучанне з псіхалагічнымі інструментамі падтрымкі студэнтаў. У 2019 годзе разам з псіхааналітыкам Марынай Катыняй Таня стварыла Anti-Anxiety Crash Course – праграму, якая паспяхова праводзіцца дагэтуль.

На вэбінары мы:
▸ разбяром механізм узнікнення моўнай трывогі і зразумеем, чаму яна ўзнікае нават у моцных студэнтаў;
▸ вывучым практычныя тэхнікі і практыкаванні, якія лёгка ўкараняць у заняткі з дарослымі навучэнцамі;
▸ асвоім стратэгіі самадапамогі для тых, хто выкарыстоўвае замежную мову ў працы і паўсядзённым жыцці – незалежна ад таго, англійская гэта, польская, літоўская ці любая іншая мова;
▸ пазнаёмімся з практыкаваннямі для самастойнай практыкі па-за заняткамі.

Фармат: збалансаванае спалучэнне тэорыі і практыкі
Аўдыторыя: выкладчыкі, студэнты і ўсе зацікаўленыя
Працягласць: 50–60 хвілін
Мова: руская

Далучайцеся, каб навучыцца ператвараць моўную трывогу з перашкоды ў рэсурс і гаварыць на замежнай мове больш упэўнена.

Зарэгістравацца

Сістэмы аховы здароўя хутка змяняюцца: лічбавыя сэрвісы, новыя правілы доступу да дапамогі, іншыя чаканні ад пацыентаў і ўрачоў. Але як не згубіцца ў гэтай складанай архітэктуры – асабліва калі вы жывяце, падарожнічаеце або працуеце паміж краінамі?

26 лютага запрашаем вас на практычны анлайн-вэбінар з Андрэем Вітушкам, выпускніком праграмы Community Connections, дзе мы разглядзім, як функцыянуюць сістэмы аховы здароўя ў Беларусі і Польшчы, і як эфектыўна карыстацца імі ў паўсядзённым жыцці і крытычных сітуацыях.

Андрэй Вітушка – урач-анестэзіёлаг і спецыяліст інтэнсіўнай тэрапіі з больш як 20-гадовым клінічным досведам. Выпускнік Community Connections 2008. Прайшоў прафесійную падрыхтоўку ў Аўстрыі, Германіі і Ірландыі, зараз працуе ў адной з бальніц Варшавы. Больш за 10 гадоў – кансультант у сферы digital health для вядучых тэхналагічных кампаній, у тым ліку Flo Health. Асветнік у сферы здароўя: ад публікацый з 300 000+ праглядаў да сумеснага вядзення ранішняга тэлешоу пра здароўе «Добраранак» на нацыянальным тэлебачанні.

На вэбінары мы:
▸ параўнаем сістэмы аховы здароўя Беларусі і Польшчы – структуру, логіку і культурныя адрозненні;
▸ разбяромся, калі і куды звяртацца па медыцынскую дапамогу ў звычайных і экстранных сітуацыях;
▸ атрымаем практычныя парады па эфектыўнай камунікацыі з медыцынскімі спецыялістамі;
▸ абмяркуем чэкапы і скрынінгі: што бясплатна ў Польшчы і што сапраўды мае сэнс у абедзвюх краінах;
▸ паглядзім на digital health без ілюзій – як лічбавыя інструменты могуць дапамагаць і шкодзіць нашаму здароўю.

Фармат: жывое анлайн-абмеркаванне + Q&A
Працягласць: 90 хвілін (уключаючы 30 хвілін пытанняў і адказаў)
Мова: беларуская
Калі: 26 лютага 2026, 19:00 (мінскі час)

Сустрэча для тых, хто хоча разумець сістэму, а не губляцца ў ёй.

Рэкамендацыйны ліст – адзін з самых недаацэненых, але пры гэтым вырашальных дакументаў пры паступленні за мяжу або пры прыёме на працу. Часта яго пішуць «для галачкі», без захавання правілаў і разумення таго, як такія лісты насамрэч чытаюць у заходніх універсітэтах і кампаніях. На гэтай сустрэчы мы разбярэмся, як зрабіць рэкамендацыйны ліст сапраўдным інструментам, а не фармальнасцю.

Пра што пагаворым:

• Як выглядае добры рэкамендацыйны ліст з пункту гледжання ўніверсітэтаў і працадаўцаў
• Што абавязкова павінна быць у лісце, каб ён сапраўды працаваў
• Тыповыя памылкі, праз якія лісты губляюць сваю каштоўнасць
• Як выбудаваць стратэгію выкарыстання рэкамендацый пад розныя мэты
• Практычныя парады і рэальныя прыклады
• Пытанні ўдзельнікаў

Для каго:

• Абітурыенты і студэнты, якія плануюць навучанне за мяжой
• Выпускнікі, што падаюць дакументы ў замежныя кампаніі або ўніверсітэты
• Тыя, каму патрэбны рэкамендацыйны ліст, але незразумела, з чаго пачаць
• Усе, хто хоча, каб рэкамендацыі сапраўды ўзмацнялі заяўку

Сустрэча адбудзецца 25 лютага ў 17:00 (па мінскім часе).

Гэта практычная сустрэча для тых, хто хоча асэнсавана падысці да рэкамендацый і выкарыстоўваць іх з максімальнай карысцю. 

Рэгістрацыя

Гісторыя ЗША – гэта не толькі даты і падзеі. Гэта людзі, чые ідэі, учынкі і рашэнні змянілі ход гісторыі і дагэтуль уплываюць на амерыканскую культуру, палітыку і лад мыслення. І так, вывучаць гэта можна цікава і інтэрактыўна!

На сустрэчы нашага размоўнага клуба разам з выкладчыцай з Фларыды Анэлі Арана мы правядзём гістарычны квіз на англійскай мове, дзе вы не толькі праверыце свае веды, але і палепшыце моўныя навыкі.

Пра што пагаворым:

✦ Асобы, якія ўвайшлі ў гісторыю
Пазнаёмімся з ключавымі фігурамі амерыканскай гісторыі – ад бацькоў-заснавальнікаў да лідараў, якія змянілі краіну ў пераломныя моманты. Разбяромся, чаму менавіта яны сталі легендамі.

✦ Гісторыя без нуды: фармат квіза
Пытанні, каманднае абмеркаванне, нечаканыя факты і сяброўская канкурэнцыя – усё на англійскай і ў жывым фармаце.

✦ Мова праз кантэкст
Вывучым карысную лексыку і выразы, звязаныя з гісторыяй, грамадствам і палітыкай, і адразу ўжывем іх у размове.

✦ Як мінулае ўплывае на сучаснасць
Абмяркуем, як гістарычныя падзеі і асобы фарміруюць сучасныя каштоўнасці, погляды і дыскусіі ў ЗША.

Далучайцеся да сустрэчы 19 лютага ў 19:00 (па мінскім часе). Будзе пазнавальна, дынамічна і сапраўды speaking-oriented.

Рэгістрацыя

American Center Minsk запрашае на прэзентацыю новай кнігі Віктара Марціновіча.

У сакавіку 2024 года Віктар Марціновіч прыбыў у Нью-Ёрк як Fulbright Visiting Scholar з мэтай напісаць тэарэтычнае даследаванне, прысвечанае мове гуманітарных ведаў. Ідэя працы сфармавалася пад уплывам яго выкладчыцкага досведу ў галіне герменеўтыкі і гісторыі мастацтваў у Вільні.

Пасля супрацоўніцтва з калегамі з Hunter College, а таксама прэзентацыі сваіх даследаванняў у Гарвардскім універсітэце і Мічыганскім універсітэце ў Эн-Арбары, аўтар стварыў кнігу, якая прапануе новыя шляхі ўзаемадзеяння з мастацтвам. Паводле задумы аўтара, гэтая праца вяртае жывапісу тую магічную моц, з якой ён пачынаўся.

Манаграфія The Art of Mercy Against Oblivion выйшла ў адным з найбуйнейшых навуковых выдавецтваў Routledge у серыі Research Methods for Arts and Humanities. Кніга аб’ядноўвае падыходы гісторыі і тэорыі мастацтва з метадалогіяй аўтаэтнаграфіі, робячы Рафаэля, Бацічэлі, Каспара Давіда Фрыдрыха, Пэна, Шагала і Суціна ўдзельнікамі размовы пра шчасце, здраду, страту і каханне.

Падчас анлайн-лекцыі Віктар Марціновіч прадставіць абраныя фрагменты з кнігі і адкажа на пытанні ўдзельнікаў. Сустрэча пройдзе на беларускай і англійскай мовах.

Дата і час: 17 лютага, 19:00 (па мінскім часе)
Фармат: анлайн

American Center Minsk абвяшчае набор на курс па пісьму і літаратуры, які правядзе драматург і педагог Пітер Фрыдрых – лаўрэат узнагароды Top-100 Teachers Award ад шоу The Ellen DeGeneres Show.

Шырока распаўсюджана меркаванне, што ўменне пісаць добрыя тэксты – гэта прыроджаны талент. Курс Creative Writing прапануе іншы падыход. У аснове праграмы – папулярная ў ЗША методыка, якая спалучае практыку пісьма з абмеркаваннем найлепшых узораў сучаснай і класічнай літаратуры. Такі фармат дапамагае развіць упэўненасць у пісьме і асвоіць розныя жанры і формы.

Для каго гэты курс

Да ўдзелу запрашаюцца ўсе, хто цікавіцца пісьмом і літаратурай, валодае англійскай мовай на ўзроўні B2 і вышэй і хоча:

• развіць навыкі мастацкага пісьма на англійскай мове;
• глыбей зразумець сучасныя формы сторытэлінгу;
• працаваць з кароткімі апавяданнямі, эсэ і фрагментамі раманаў;
• эксперыментаваць са стылем, аўтарскім голасам і формай;
• атрымаць досвед публікацыі і публічнага прадстаўлення сваіх тэкстаў.

Па выніках курса найлепшыя працы студэнтаў могуць быць прадстаўлены на анлайн-літаратурным мікрафестывалі і апублікаваны ў літаратурным часопісе Old Red Kimono (Georgia Highlands College), а таксама на сайце American Center Minsk.

Выкладчык

Пітер Фрыдрых – выкладчык англійскай мовы і тэатральнага мастацтва з шматгадовым міжнародным досведам. Fulbright Scholar і Andrew Mellon Fellow in Writing Pedagogy. Раней узначальваў дэпартамент тэатра і кіно ў American University of Iraq. У 2021 годзе ўвайшоў у спіс Top-100 Teachers Award ад The Ellen DeGeneres Show за інавацыйны падыход да выкладання падчас пандэміі.

Фармат і расклад

• Даты курса: з 10 лютага па 14 красавіка 2026 года
• Заняткі: па аўторках з 19:00 да 20:15 (па мінскім часе)
• Усяго: 10 сустрэч
• Фінальная сустрэча (14 красавіка) пачнецца ў 20:00

Умовы ўдзелу

• Узровень англійскай мовы: B2 і вышэй
• Удзел бясплатны, па конкурсным адборы

Дэдлайн падачы заявак: 5 лютага 2026 года (уключна)

Колькасць месцаў абмежаваная.

Калі вы даўно хацелі пачаць або працягнуць пісаць на англійскай мове, гэты курс стане добрай магчымасцю зрабіць наступны крок.

Харызма – гэта не прыродны талент, а навык, які можна разабраць на элементы і свядома развіваць. Чаму адны спікеры ўтрымліваюць увагу з першых секунд, а іншым складана «дагрукацца» да аўдыторыі, нават пры моцным кантэнце?

22 студзеня запрашаем вас на практычны онлайн-інтэнсіў з Аляксем Бурносенкам, дзе мы разбяром архітэктуру харызмы і навучымся трансляваць упэўненасць і лідарства (у тым ліку праз экран).

Аляксей Бурносенка – карпаратыўны кансультант і бізнес-трэнер, коучынг-спецыяліст (NL, 2015), трэнер спікераў TEDx Minsk і TEDx Warsaw, член International Trainers Guild, выпускнік Community Connection 2008.

На вебінары мы:
▸ разбяром эфект «прысутнасці»: як захапляць увагу аўдыторыі з першых секунд і ствараць моцнае першае ўражанне ў лічбавай прасторы;
▸ вывучым прыроду харызмы і псіхалогію ўпэўненасці: ад эвалюцыйных каранёў уплыву да працы са стрэсам як рэсурсам;
▸ авалодаем прыкладнымі інструментамі харызматычнага выступлення – формула «Сіла, Цеплыня і Прысутнасць»;
▸ папрацуем з голасам, тэмпам мовы, паўзамі, мовай цела і жэстамі, якія выклікаюць давер;
▸ папрактыкуемся ў мікра-выступленнях і навучымся трансляваць упэўненасць онлайн;
▸ завершим вебінар Q&A-сесіяй, індывідуальнай зваротнай сувяззю, планам для самастойнай практыкі і натхняючай «думкай дня».

Фармат: Direct Human Interaction – жывыя зносіны без слайдаў
Працягласць: 1,5 гадзіны
Мова правядзення: руская
Дата і час: вебінар пройдзе 22 студзеня ў 20:00 (па мінскім часе)

У студзені працягваюцца онлайн-сустрэчы Finance & Economics Club у American Center Minsk. У рамках курса ўдзельнікі змогуць перайсці ад базавых паняццяў фінансаў да больш прыкладных і глабальных тэм.

Расклад сустрэч:

21 студзеня, 19:00 – Financial Statements
Удзельнікі навучацца чытаць фінансавыя справаздачы кампаній, разумець розніцу паміж прыбыткам і грашовым патокам і ацэньваць фінансавае становішча бізнесу.

23 студзеня, 19:00 – How Companies Raise Capital
Сесія прысвечана асноўным спосабам прыцягнення фінансавання – ад венчурных інвестыцый і банкаўскіх крэдытаў да IPO. Разгледзім рост кампаній з пункту гледжання заснавальнікаў і інвестараў.

28 студзеня, 19:00 – International Finance
На сустрэчы вывучым міжнародную фінансавую сістэму, глабальныя патокі капіталу, валютныя курсы і дзяржаўны доўг. Абмяркуем ролю міжнародных інстытутаў, такіх як Міжнародны валютны фонд (IMF) і Сусветны банк (World Bank), а таксама механізмы руху капіталу паміж краінамі.

30 студзеня, 19:00 – Revision & Finance for Change (фінал)
Фінальная сесія аб’ядноўвае агляд ключавых фінансавых канцэпцый і практычную працу над праектамі ў фармаце «Finance for Good». Удзельнікі абмяркуюць, як фінансавыя інструменты могуць вырашаць рэальныя сацыяльныя і эканамічныя задачы.

Фармат: інтэрактыўныя онлайн-сесіі з разглядам кейсаў і каманднай працай
Мова правядзення: англійская
Удзел: магчымы як у асобных сустрэчах, так і ва ўсім курсе
Папярэднія веды: не патрабуюцца

Рэгістрацыя

Паступленне ва ўніверсітэты ЗША — складаны і працяглы працэс. Вакол яго шмат міфаў, няпоўнай інфармацыі і завышаных чаканняў. На сустрэчы з Віктарам Хоцімам, супрацоўнікам EducationUSA Belarus і экспертам па амерыканскай адукацыі з 1999 года, мы разбярэм, як усё ўладкавана на практыцы і на што сапраўды варта марнаваць сілы і час.

Пра што пагаворым:

• Як выглядае працэс паступлення ў ЗША крок за крокам
• Што насамрэч важна пры падачы заяўкі
• Частыя памылкі абітурыентаў і чаму праз іх адмаўляюць
• Як адэкватна ацаніць свае шанцы
• Чым адрозніваюцца бакалаўрыят і магістратура ў ЗША
• Пытанні ўдзельнікаў

Для каго:

• Старшакласнікі і іх бацькі
• Студэнты і выпускнікі, якія разглядаюць навучанне ў ЗША
• Тыя, хто толькі пачынае разбірацца ў тэме паступлення
• Усе, хто хоча зразумець працэс паступлення ва ўніверсітэты ЗША

Вэбінар адбудзецца 15 студзеня ў 17:00 па мінскім часе.
Гэта сустрэча для тых, хто хоча прыняць узважанае рашэнне і зразумець, ці падыходзіць яму амерыканская адукацыя.

Рэгістрацыя

Мемы – гэта не проста смешныя выявы ў інтэрнэце. Яны адлюстроўваюць паўсядзённае жыццё, культурныя асаблівасці, перадаюць погляды і настрой сучасных людзей. А яшчэ – гэта неверагодна эфектыўны спосаб вывучаць англійскую мову!

На сустрэчы нашага размоўнага клуба з Анэлі Арана, выкладчыцай універсітэта з Фларыды, мы разбярэм:

Што прымушае амерыканцаў смяяцца?
Зразумеем, якія жарты папулярныя, чаму яны становяцца віруснымі і як гумар адлюстроўвае каштоўнасці і звычкі ў ЗША.

Мемы як люстэрка паўсядзённага жыцця
Паглядзім на мемы, якія паказваюць звычайныя сітуацыі: вучобу, працу, сяброўства, лайфхакі амерыканцаў. Абмяркуем, якія з іх найбольш «пазнавальныя» для жыхароў ЗША і чаму.

Мемы + слэнг = жывая мова
На прыкладах мемаў пазнаёмімся з актуальнымі фразамі, выразамі і слэнгавымі словамі, якія сапраўды выкарыстоўваюцца ў размоўнай мове. Паспрабуем ужываць іх у дыялогах.

Культурны кантэкст і «hidden meanings»
Даведаемся, як мемы дапамагаюць разумець не толькі мову, але і лад мыслення амерыканцаў. Чаму адны жарты зразумелыя адразу, а іншыя патрабуюць ведання гісторыі, поп-культуры або актуальных падзей.

Далучайцеся да сустрэчы 14 студзеня ў 19:00 (па мінскім часе).

Рэгістрацыя

Калі вы хочаце адчуваць сябе больш упэўнена ў міжнародным юрыдычным асяроддзі, працаваць з англамоўнымі прававымі крыніцамі і актыўна развіваць юрыдычную англійскую мову праз абмеркаванні і практыку – гэты курс для вас.

Мы запрашаем студэнтаў юрыдычных спецыяльнасцей, юрыстаў, дзяржаўных служачых і суддзяў з узроўнем англійскай мовы B2 і вышэй, якія хочуць:

✦ пашырыць слоўнікавы запас юрыдычнай англійскай мовы;
✦ навучыцца арыентавацца ў англамоўных прававых крыніцах (судовыя рашэнні, юрыдычныя часопісы);
✦ палепшыць навыкі вуснай юрыдычнай аргументацыі;
✦ развіць уменне складаць юрыдычныя дакументы і прафесійную перапіску;
✦ практыкаваць тлумачэнне беларускай прававой сістэмы міжнароднай аўдыторыі.

Пра курс
The Legal English Course – гэта серыя інтэрактыўных практыка-арыентаваных воркшопаў з жывымі дыскусіямі, прыкладнымі заданнямі і магчымасцю параўноўваць прававыя нормы і юрыдычную культуру Беларусі з сістэмай амерыканскага агульнага права.

Курс накіраваны на развіццё навыкаў Legal English, актуальных для публічнага права, але таксама прымянімых у юрыдычных даследаваннях і прафесійнай практыцы. Удзельнікі будуць працаваць над:

• падрыхтоўкай юрыдычных і працэсуальных дакументаў (briefs, memos, motions);
• засваеннем лексікі і правілаў акадэмічнага юрыдычнага пісьма;
• развіццём навыкаў oral advocacy і courtroom language;
• стратэгіямі працы з англамоўнымі прававымі крыніцамі і судовай практыкай.

Ключавыя тэмы курса ўключаюць:

• структуру і практычнае функцыянаванне амерыканскай прававой сістэмы, у тым ліку judicial review і ролю Вярхоўнага суда ЗША;
• лексыку і інтэрпрэтацыю Канстытуцыі ЗША;
• фундаментальныя правы і іх судовую абарону (freedom of speech, due process);
• анлайн-юрыдычныя даследаванні;
• аргументацыю справы ў амерыканскім судзе;
• сучасныя выклікі публічнага права ЗША і параўнальныя прававыя падыходы.

Праграма адказвае актуальнай патрэбе беларускіх юрыдычных спецыялістаў у доступе да ведаў міжнароднага ўзроўню і развіцці навыкаў працы ў глабальным прававым асяроддзі.

Курс правядзе Даниэль Капретці – экспертка па Legal English з досведам працы ў 15 краінах. Выпускніца юрыдычнай школы Syracuse University (з адзнакай), выкладала юрыдычную англійскую мову ў Універсітэце Аўгсбурга (Германія), працавала з юрыстамі, суддзямі і дзяржаўнымі служачымі. Даниэль высока цэніць актыўны ўдзел, дыскусіі і абмен досведам, у тым ліку з апорай на беларускую прававую практыку.

Фармат і расклад

• Анлайн (Zoom)
• Першае занятак: 12 студзеня 2026, 19:00–20:30 (мінскі час)
• Працягласць занятку: 1,5 гадзіны
• Працягласць курса: 10 тыдняў

Адбор і тэсціраванне
Адбор удзельнікаў праводзіцца на падставе матывацыі.
Для тых, хто пройдзе адбор, прадугледжаны placement test на ўзровень англійскай мовы, які неабходна прайсці з 8 па 12 студзеня 2026 года.Падаць заяўку

Колькасць месцаў абмежаваная, адбор конкурсны.

American Center Minsk запускае новую серыю анлайн-сустрэч – Finance & Economics Club. Гэта цыкл з сямі інтэрактыўных сесій, прысвечаных ключавым тэмам у сферы фінансаў і эканомікі.

У межах курса ўдзельнікі разгледзяць:

• асабістыя фінансы
• фінансавую справаздачнасць
• карпаратыўныя інвестыцыі і фандрайзінг
• асновы інвеставання
• фінтэх
• міжнародную эканоміку

Фармат сустрэч практычны і арыентаваны на прымяненне ведаў: міні-лекцыі, разбор кейсаў, практыкаванні, абмеркаванні і камандная праца.
Мова правядзення – англійская.

Расклад

• 3 сустрэчы адбудуцца ў снежні (15-17 снежня)
• 4 сустрэчы пройдуць у студзені (даты будуць абвешчаныя дадаткова)

Можна далучыцца да асобных сесій або прайсці ўвесь курс цалкам. Папярэднія веды не патрабуюцца – праграма падыходзіць усім, хто хоча разабрацца ў фінансах і пачаць прымяняць атрыманыя веды на практыцы.

На фінальнай, сёмай сустрэчы ўдзельнікі змогуць прадставіць уласную праектную ідэю і паспрабаваць сябе ў ролі аналітыка або прадпрымальніка.

Спікеры курса

• Весняна –  праходзіла стажыроўку ў фінтэх-кампаніях Rove і Stripe, займалася эканамічнымі даследаваннямі, прызёр міжнародных эканамічных алімпіяд.
• Хазратбек – працаваў з фінтэх-мадэлямі, удзельнічаў у даследаваннях інвестыцыйна-банкаўскіх мадэляў, шматразовы прызёр Economics Olympiad.
• Райхона – праходзіла стажыроўку ў Finprofit, запусціла ўласны праект па фінансавай граматнасці.
• Азиз – даследаваў узровень фінансавай граматнасці ва Узбекістане, развіваў навыкі бізнес-аналітыкі і працы з Excel.

Праграма арыентавана на студэнтаў і старшакласнікаў, але таксама будзе карысная маладым спецыялістам. Удзельнікам маладзейшым за 18 гадоў неабходна падаць пісьмовы дазвол ад бацькоў (па пытаннях афармлення: [email protected]).

Рэгістрацыя на заняткі ў снежні

Запрашаем на святочную сустрэчу размоўнага клуба Holiday Magic in Maryland: Traditions, Lights, and Local Stories з прафесарам Анджэлай Дадак, даўнім сябрам і спікерам Амерыканскага цэнтра.

Анджэла – ураджэнка штата Мэрылэнд і добра знаёмы голас для нашай супольнасці. На сустрэчы мы акунемся ў атмасферу зімовых святаў: ад святочных агеньчыкаў і вулічных забаў да ўнікальных спосабаў, якімі жыхары Мэрылэнда адзначаюць Каляды, Хануку і Кванзу. Гісторыі, якімі падзеліцца Анджэла, створаць утульную святочную атмасферу і дадуць магчымасць практыкаваць англійскую мову.

У праграме абмеркавання:

• Зімовыя забавы і папулярныя outdoor-традыцыі ў Мэрылэндзе
• Сезонныя прысмакі і святочныя стравы
• Традыцыі Калядаў, Ханукі і Кванзы

Дата і час: 22 снежня, 19:00 (па мінскім часе)Далучайцеся, каб палепшыць англійскую і правесці час з задавальненнем.

Рэгістрацыя

Вучні 8-11 класаў могуць прыняць удзел у бясплатнай праграме Competitive College Club (CCC), якая накіраваная на падрыхтоўку да паступлення ў бакалаўрскія праграмы ўніверсітэтаў ЗША. Пры гэтым атрыманыя веды і навыкі будуць карысныя кожнаму ўдзельніку і ў далейшым адукацыйным і прафесійным развіцці.

Што дасць удзел:

• Засваенне правілаў напісання матывацыйных лістоў;
• Вопыт зносін з прадстаўнікамі замежных універсітэтаў;
• Навыкі пошуку трапных адукацыйных праграм і фінансавання;
• Веданне патрабаванняў да рэкамендацыйных лістоў і іншых аспектаў падрыхтоўкі да навучання за мяжой;
• Мноства іншай карыснай інфармацыі для планавання адукацыйнага шляху.

Перавагі праграмы:

• Цалкам бясплатны ўдзел;
• Магчымасць прайсці тэставанне ўзроўню англійскай мовы;
• Бясплатная здача платнага тэсту Duolingo English Test для лепшых удзельнікаў;
• Бясплатны доступ да платформы падрыхтоўкі да SAT для тых, хто плануе паступленне ў амерыканскія ўніверсітэты.

Як падаць заяўку:

Запоўніце анкету па спасылцы: Competitive College Club 2026

Тэрмін падачы – да 26 снежня 2025 года.

Калі ўзнікнуць пытанні, пішыце на: [email protected]

Хочаце размаўляць па-англійску свабодна і ўпэўнена? Сутыкаецеся з цяжкасцямі пры пастаноўцы рэалістычных мэт? Шукаеце практычныя ідэі, якія дапамогуць выбудаваць сістэму для стабільнага прагрэсу? Запрашаем вас на гадзінны семінар і абмеркаванне, якія дапамогуць зразумець, колькі часу насамрэч займае вывучэнне англійскай мовы і якія стратэгіі выкарыстоўваюць паспяховыя «life-long learners».

Семінар правядзе Джэніфер Улер, рэгіянальная спецыялістка Дзярждэпартамента ЗША па англійскай мове ў Рызе. Яна падзеліцца досведам і падыходамі, якія дапамагаюць навучэнцам па ўсім свеце ставіць мэты, дасягаць іх і ператвараць вывучэнне англійскай у звычку на ўсё жыццё.

Падчас сустрэчы вы даведаецеся, як выбудаваць уласную стратэгію навучання, якія крокі можна зрабіць ужо цяпер і як закласці аснову для ўпэўненага старту ў новым годзе. Удзельнікі таксама атрымаюць падборку рэсурсаў і інструментаў, якія дапамогуць падтрымліваць матывацыю і развіваць моўныя навыкі ў доўгатэрміновай перспектыве.

Дата: 18 снежня, 19:00 (па мінскім часе)
Фармат: анлайн у Zoom

Рэгістрацыя

17 снежня наш Business Book Club зноў ператворыцца ў Business Movie Club! Будзем глядзець фрагменты і абмяркоўваць фільм Кэмерона Кроў «Джэры Магуайер» (Jerry Maguire).

Галоўны герой – Джэры Магуайер (Том Круз) – паспяховы спартыўны агент, які перажывае асабісты і прафесійны крызіс. Зразумеўшы, што метады працы агенцтва ставяць прыбытак вышэй за людзей, ён вырашае сысці і стварыць уласнае, невялікае агенцтва, заснаванае на сумленнасці і прынцыпах справядлівасці. Яго адзіны кліент – таленавіты, але складаны футбаліст Род Тідвэл (К’юба Гудынг-малодшы). Разам з бухгалтаркай Дораці Бойд (Рэнэ Зелўвегер) Джэры вучыцца будаваць даверлівыя адносіны і цаніць людзей больш, чым бізнес-паказчыкі.

Фільм выйшаў у 1996 годзе, яго бюджэт склаў каля 50 мільёнаў долараў, а сусветныя зборы перавысілі 270 мільёнаў. «Джэры Магуайер» атрымаў шырокі водгук крытыкаў і быў намінаваны на некалькі прэстыжных узнагарод, у тым ліку на 2 прэміі «Оскар»: за найлепшую мужчынскую ролю другога плана (К’юба Гудынг-малодшы – пераможца) і лепшы адаптаваны сцэнар. Акрамя таго, фільм атрымаў намінацыі на «Залаты глобус» і прэміі Screen Actors Guild.

Далучайцеся да абмеркавання фільма 17 снежня ў 20:00 па мінскім часе.

Рэгістрацыя

LinkedIn даўно стаў адной з галоўных платформаў для прафесійнага развіцця, пошуку працы і наладжвання дзелавых кантактаў ва ўсім свеце. Поўнасцю запоўнены і правільна аформлены профіль дапамагае спецыялістам вылучыцца сярод канкурэнтаў, адлюстроўвае іх прафесіяналізм і адкрывае доступ да міжнародных магчымасцяў.

Ніжэй прадстаўлены пяць асноўных правілаў, якія дапамогуць стварыць моцны і прывабны профіль у LinkedIn.

1. Прафесійная фатаграфія і вокладка профілю

Ваша фота – першае, што бачыць наведвальнік профілю. Рэкамендуецца выкарыстоўваць якасны партрэт на нейтральным фоне, дзе добра відаць твар. Важна, каб выраз быў добразычлівы, а вопратка – адпаведная прафесійнаму стылю.

Вокладка (банер) – дадатковы інструмент для самапрэзентацыі. На ёй можна размясціць ключавыя фразы пра вашу дзейнасць, візуальныя элементы, звязаныя з прафесіяй, або лаканічны дызайн, які адлюстроўвае ваш асабісты брэнд.

2. Інфарматыўны і выразны загаловак (Headline)

Загаловак – гэта не проста ваша пасада. Гэта кароткае паведамленне пра тое, хто вы як спецыяліст. Лепш пазбягаць агульных фармулёвак і паказаць ключавыя кампетэнцыі або напрамкі дзейнасці.

Напрыклад:
«Project Manager у сферы ІТ | Кіраванне камандамі | Agile & Scrum»
ці
«Спецыяліст па маркетынгу | Кантэнт-стратэгія | Digital Communications»

Добры загаловак павялічвае шанцы на з’яўленне вашага профілю ў пошуку і дапамагае хутка данесці вашу прафесійную каштоўнасць.

3. Раздзел «Пра мяне»: ваша прафесійная гісторыя

Раздзел About – адна з самых важных частак профілю. Тут варта расказаць пра свой досвед, асноўныя дасягненні, прафесійныя інтарэсы і мэты.

Тэкст павінен быць простым, структураваным і адлюстроўваць вашу ўнікальнасць. Пазбягайце доўгіх спісаў абавязкаў і шаблонных фраз. Лепш сканцэнтравацца на тым, які ўнёсак вы робіце ў праекты і якія задачы ўмееце вырашаць.

4. Навыкі, пацвярджэнні і рэкамендацыі

Дадайце ў профіль асноўныя навыкі, якія сапраўды адлюстроўваюць вашу прафесійную сферу. Аптымальная колькасць – ад пяці да дзесяці.

Пацвярджэнні навыкаў іншымі карыстальнікамі (endorsements) і пісьмовыя рэкамендацыі ад калег, кіраўнікоў або партнёраў умацоўваюць давер да вашага профілю. Гэтыя элементы служаць своеасаблівай валідацыяй вашых кампетэнцый і павышаюць шанцы быць заўважаным рэкрутэрамі.

5. Актыўнасць на платформе і стварэнне кантэнту

Поўнасцю запоўнены профіль – гэта толькі пачатак. Каб развівацца ў прафесійнай супольнасці, важна ўдзельнічаць у жыцці LinkedIn: публікаваць пасты, дзяліцца думкамі пра працу і галінавыя тэндэнцыі, каментаваць матэрыялы калег, уступаць у тэматычныя групы і пашыраць сетку кантактаў. Напрыклад, вы можаце падпісацца на нашу старонку і быць у курсе ўсіх актуальных навін і падзей.

Рэгулярная актыўнасць павышае бачнасць вашага профілю і дапамагае сфармаваць асабісты прафесійны брэнд.

Чаму важна весці профіль на англійскай мове

Калі вы разглядаеце працу ў міжнародных кампаніях або супрацоўніцтва з замежнымі спецыялістамі, профіль на англійскай мове – абавязковая ўмова. Гэта робіць вас прыкметным для рэкрутэраў па ўсім свеце і паказвае вашу гатоўнасць працаваць у міжнародным асяроддзі.

Нават калі ваша цяперашняя дзейнасць звязана з лакальным рынкам, наяўнасць профілю на англійскай мове значна пашырае доступ да глабальных рэсурсаў і прафесійных супольнасцяў.

Business Book Club вяртаецца з новай сустрэчай, якая адбудзецца 27 лістапада. На гэты раз разам з Ягорам Рясавым удзельнікі абмяркуюць міжнародны бестселер – кнігу Джэймса Кліра «Атамныя звычкі. Як набыць добрыя звычкі і пазбавіцца ад шкодных». Выданне прызнана бестселерам New York Times і USA Today, а таксама названа найлепшай кнігай па самадапамозе 2018 года паводле Business Insider.

Кніга прысвечана таму, як невялікія, на першы погляд нязначныя змены здольныя прывесці да глыбокіх і ўстойлівых трансфармацый. Джэймс Клір тлумачыць, чаму звычкі фарміруюцца не сілай волі, а сістэмай, якой чалавек карыстаецца штодня. Аўтар абапіраецца на навуковыя даследаванні, практычныя прыклады, асабісты досвед і гісторыі паспяховых людзей, каб паказаць, як зрабіць карысныя звычкі непазбежнымі, а шкодныя – практычна немагчымымі.

Нават мінімальныя, але рэгулярныя дзеянні могуць прывесці да эфекту складанага працэнта, калі колькасць паступова ператвараецца ў якасць. Менавіта гэтая ідэя ляжыць у аснове канцэпцыі «атамных» звычак – маленькіх крокаў, здольных цалкам змяніць жыццё.

Далучыцца да абмеркавання могуць усе ахвочыя, нават калі яны яшчэ не знаёмыя з кнігай. Сустрэча адбудзецца 27 лістапада ў 20:00 паводле мінскага часу.

Рэгістрацыя